Дзмітрый Антонавіч Крывашэй (нар. 24 чэрвеня 1972, вёска Завітая Нясвіжскага раёна Мінскай вобласці) — беларускі гісторык. Кандыдат гістарычных навук (2000).
Навуковыя інтарэсы: Культурная дыпламатыя, культурная палітыка, гісторыя нацыянальных меншасцяў Беларусі. Аўтар больш за 150 навуковых прац.
Нарадзіўся 24 чэрвеня 1972 г. у в. Завітая Нясвіжскага раёна Мінскай вобласці.
У 1989 годзе скончыў Гарадзенскую СШ №2. У 1994 г. скончыў гістарычны факультэт Гродзенскага дзяржаўнага ўніверсітэта імя Янкі Купалы. У 1993—1996 гг. працаваў настаўнікам гісторыі ў школах Бераставіцкага раёна. Пасля заканчэння аспірантуры ГрДУ імя Янкі Купалы працаваў выкладчыкам у Гродзенскім гандлёвым каледжы. У 1999—2002 гг. — навуковы супрацоўнік Нацыянальнага навукова-асветнага цэнтра імя Ф. Скарыны. У 2000 г. абараніў кандыдацкую дысертацыю «Развіццё культурных сувязей Беларусі з краінамі Цэнтральнай і Заходняй Еўропы (1991—1996 гг.)» (навуковы кіраўнік — к.г.н., прафесар І.І. Коўкель). У 2013 г. прысвоена навуковае званне дацэнта.
З кастрычніка 2002 па 2019 года працаваў у інстытуце гісторыі Акадэміі навук.
З 2002 года працуе ў Беларускім навукова-даследчым цэнтры электроннай дакументацыі.
З 2009 па 2018 выкладаў у БДУКМ.