Гуляўнік волжскі (Sisymbrium volgense) — від кветкавых раслін роду Гуляўнік (Sisymbrium) сямейства Капуставыя (Brassicaceae).
Шматгадовая травяністая расліна, 40—60 см вышынёй. Расліна з паўзучымі падземнымі парасткамі. Сцябловае лісце адлеглае ад сцябла, таўставатае, шызае, ніжняе — буйное, верхняе — ланцэтна-лінейнае, суцэльнае. Струкі на патоўшчаных уверсе пладаножках, уверх стаячыя, 3—6 см даўжынёй.
Радзімай з’яўляюцца стэпавыя раёны паўднёва-ўсходняй Расіі. Натуралізаваны: Беларусь, Эстонія, Латвія, Літва, Украіна, Чэхія, Германія, Польшча, Славакія, паўднёвая Фінляндыя, паўднёвая Швецыя[3][4][5].
Ва Украіне від расце на палях, ля абочын, на насыпах чыгунак — у лесастэпе і стэпе, зрэдку; у Данецкім лесастэпе, часты.