Гузо́віна[1] (трансліт.: Huzovina, руск.: Гузовино) — вёска ў Крупскім раёне Мінскай вобласці. Уваходзіць у склад Акцябрскага сельсавета.
Заснавана ў канцы XIX стагоддзя. У 1909 годзе ў складзе Лісічанскай воласці Сенненскага павета Магілёўскай губерні.
З 1924 года ў складзе Дубоўскага сельсавета Чарэйскага, потым Халопеніцкага, з 1960 года — Крупскага раёнаў. У 1930-я гады жыхары вёсак Гузовіна і Прошыка аб’ядналіся ў калгас «Сацыялізм». У пачатку 1941 года 12 гаспадарак перасялілася з вёскі Другавіж Дубоўскага сельсавета, было 126 жыхароў. На франтах Вялкай Айчынный вайны загінулі 20 чалавек.
Пасля вайны ў складзе саўгаса «40 год Кастрычніка»[2]. З 26 жніўня 1959 года вёска ў складзе Заборскага сельсавета (у маі 1962 года перайменаванага ў Акцябрскі)[3].