Войцех Кіляр (польск.: Wojciech Kilar; 17 ліпеня 1932, Львоў — 29 снежня 2013, Катавіцы) — польскі кампазітар, аўтар музыкі да мноства кінафільмаў.
Войцех Кіляр нарадзіўся 17 ліпеня 1932 года ў Львове, Польшча (цяпер Украіна).
Вучыўся музыцы ў Львове, Кракаве і Катавіцах; атрымаў дыплом у 1955 годзе. Пасля пераезду ў 1959 годзе ў Францыю вучыўся ў кансерваторыі пад кіраўніцтвам Надзі Буланжэ. Кіляр меў поспех як у якасці класічнага музыканта, так і ў якасці аўтара музыкі для кіно, на яго ліку музычнае аздабленне больш чым 130 кінафільмаў. Да яго паслуг як кінакампазітара звярталіся многія польскія класікі кіно — Занусі, Кеслёўскі, Вайда, Куц[en], Гофман і іншыя. Першы амерыканскім фільмам кампазітара стала праца Фрэнсіса Форда Копалы «Дракула[en]», якая дэманструе сапраўдную кампазітарскую моц Кіляра з трагічнымі тэмамі, пададзенымі з мінімальнай разнастайнасцю акордаў. Не гледзячы на запатрабаванасць у польскім і амерыканскім кіно Кіляр на працягу ўсяго жыцця працягваў пісаць класічную музыку.
Кампазітар памёр 29 снежня 2013 года ў Катавіцах (Польшча).