wd wp Пошук: ⬜

Кшыштаф Кеслёўскі

У Вікіпедыі ёсць артыкулы пра іншых асоб з прозвішчам Кеслёўскі. Кшы́штаф Кеслё́ўскі (польск.: Krzysztof Kieślowski; 27 чэрвеня 1941 — 13 сакавіка 1996) — польскі кінарэжысёр і сцэнарыст, сусветна вядомы дзякуючы тэлецыклу «Дэкалог» (1989), фільму «Падвойнае жыццё Веранікі» (1991) і кінатрылогіі «Тры колеры» (1993—1994). Часам займаўся і тэатральнай дзейнасцю.

Кеслёўскі распачаў сваю кар’еру ў якасці рэжысёра, які спецыялізуецца на дакументальным кіно, аднак пазней стаў займацца стварэннем пераважна мастацкіх фільмаў. Яго раннія мастацкія карціны належалі да кірунку «кіно маральнага неспакою» і ўяўлялі сабой квазідакументальныя фільмы, якія паказвалі рэчаіснасць Польшчы таго часу. Затым ён звярнуўся да метафізічных тэм, ствараючы псіхалагічныя фільмы на маральныя і экзістэнцыяльныя тэмы. Са зменай кірунку змянілася і эстэтыка рэжысёра: ранні этап творчасці Кеслёўскага характарызаваўся аскетычнай формай, імітуючай дакумент, а позні этап — вытанчанымі візуальнымі сродкамі.

Кеслёўскі лічыцца адным з найбольш значных мастакоў у гісторыі сусветнага кінематографа другой паловы XX стагоддзя. Рэжысёр з’яўляецца лаўрэатам мноства прэстыжных кінаўзнагарод, сярод іх прыз Журы (1988), прыз ФІПРЭСІ (1988, 1991) і прыз Экуменічнага журы (1991) Канскага кінафестывалю; прыз ФІПРЭСІ (1989) і Залаты Леў (1993) Венецыянскага кінафестывалю; «Сярэбраны мядзведзь» Берлінскага кінафестывалю за найлепшую рэжысуру (1994). У 1995 годзе быў намінаваны на «Оскар» як «Найлепшы рэжысёр» і за «Найлепшы сцэнарый»[6]. У 2002 годзе Кеслёўскі быў адзначаны другім месцам у спісе Дзесяці найлепшых рэжысёраў сучаснасці паводле часопіса «Sight & Sound» Брытанскага інстытута кіно[7].

Біяграфія

Маладосць і адукацыя

Дом у Сакалоўску, у якім пражываў Кшыштаф Кеслёўскі

Кшыштаф Кеслёўскі нарадзіўся 27 чэрвеня 1941 года ў Варшаве. Сям’я бацькі — Рамана Кеслёўскага, паходзіла з Валыні, маці — Барбара, паходзіла з Быдгашча. Бацькі ажаніліся ў Варшаве на пачатку верасня 1939 г. Дзяцінства Кеслёўскага прайшло ў невялікіх гарадках, бо яго бацька, інжынер-будаўнік, хварэў на сухоты і часта пераязджаў з-за патрэбы лячэння. Сам Кшыштаф таксама цярпеў на хваробы лёгкіх[8], і бацькі вазілі яго па санаторыях [9]. Па атрыманні базавай адукацыі Кеслёўскі паступіў у школу пажарных ва Вроцлаве, якую кінуў пасля першага паўгоддзя навучання [10].

У 1957 годзе Кеслёўскі па парадзе бацькоў паступіў у Дзяржаўны ліцэй тэатральнай тэхнікі ў Варшаве, дырэктарам якога быў яго дзядзька [11]. Падчас навучання, якое працягвалася да 1962 года, ён быў касцюмерам такіх акцёраў, як Тадэвуш Ламніцкі, Аляксандр Бардзіні і Збігнеў Запасевіч[12][13]. Пасля сканчэння ліцэя хацеў стаць тэатральным рэжысёрам, аднак не мог атрымаць адукацыю ў гэтым кірунку, бо не быў выпускніком універсітэта[14]. Тады ён вырашыў вывучаць кінарэжысуру ў Нацыянальнай школе кіно ў Лодзі, куды паступіў з трэцяй спробы[15]. У 1968 годзе скончыў кінашколу, а ў 1970 г. атрымаў дыплом[16][13].

Падчас вучобы, у 1967 годзе ажаніўся з Марыяй Каўціла (Cautillo). У 1972 годзе ў іх нарадзілася дачка Марта[17].

Фільмаграфія

Год		Беларуская назва	Арыгінальная назва	Роля ў стварэнні фільма
1966	кар	«Трамвай»	польск.: Tramwaj	рэжысёр, сцэнарыст
1966	дак	«Установа»	польск.: Urząd	рэжысёр, сцэнарыст
1967	кар	«Канцэрт па заяўках»	польск.: Koncert życzeń	рэжысёр, сцэнарыст
1968	дак	«Здымак»	польск.: Zdjęcie	рэжысёр
1969	дак	«З горада Лодзь»	польск.: Z miasta Łodzi	рэжысёр
1970	дак	«Я быў жаўнерам»	польск.: Byłem żołnierzem	рэжысёр, сцэнарыст
1970	дак	«Фабрыка»	польск.: Fabryka	рэжысёр
1971	дак	«Перад раллі»	польск.: Przed rajdem	рэжысёр
1972	дак	«Прыпеў»	польск.: Refren	рэжысёр
1972	дак	«Між Уроцлавам і Зялёнай Гурай»	польск.: Między Wrocławiem a Zieloną Górą	рэжысёр
1972	дак	«Прынцыпы бяспекі і гігіены ў медным рудніку»	польск.: Podstawy BHP w kopalni miedzi	рэжысёр
1972	дак	«Работнікі '71: Нічога пра нас без нас»	польск.: Robotnicy '71: Nic o nas bez nas	рэжысёр
1972	дак	«Гаспадары»	польск.: Gospodarze	рэжысёр
1973	дак	«Муляр»	польск.: Murarz	рэжысёр
1973	тф	«Падземны пераход»	польск.: Przejście podziemne	рэжысёр, сцэнарыст
1974	дак	«Рэнтген»	польск.: Przeswietlenie	рэжысёр
1974	дак	«Першае каханне»	польск.: Pierwsza miłość	рэжысёр
1975	дак	«Біяграфія»	польск.: Życiorys	рэжысёр, сцэнарыст
1975	дак	«Легенда»	польск.: Legenda	рэжысёр, сцэнарыст
1975	тф	«Персанал»	польск.: Personel	рэжысёр, сцэнарыст
1976	дак	«Шпіталь»	польск.: Szpital	рэжысёр
1976	дак	«Клапс»	польск.: Klaps	рэжысёр
1976	ф	«Шнар»	польск.: Blizna	рэжысёр, сцэнарыст, аўтар дыялогаў
1976	тф	«Спакой»	польск.: Spokój	рэжысёр, сцэнарыст, аўтар дыялогаў
1977	дак	«З пункту гледжання начнога вартаўніка»	польск.: Z punktu widzenia nocnego portiera	рэжысёр
1977	дак	«Не ведаю»	польск.: Nie wiem	рэжысёр
1978	дак	«Сем жанчын рознага веку»	польск.: Siedem kobiet w roznym wieku	рэжысёр
1979	ф	«Аматар»	польск.: Amator	рэжысёр, сцэнарыст, аўтар дыялогаў
1980	дак	«Вакзал»	польск.: Dworzec	рэжысёр
1980	дак	«Гаворачыя галовы»	польск.: Gadające glowy	рэжысёр
1981	ф	«Выпадак»	польск.: Przypadek	рэжысёр, сцэнарыст
1981	ф	«Кароткі працоўны дзень»	польск.: Krótki dzień pracy	рэжысёр, сцэнарыст
1985	ф	«Без канца»	польск.: Bez końca	рэжысёр, сцэнарыст
1988	дак	«Сем дзён тыдня — Варшава»	польск.: Siedem dni w tygodniu	рэжысёр
1988	ф	«Кароткі фільм пра забойства»	польск.: Krótki film o zabijaniu	рэжысёр, сцэнарыст
1988	ф	«Кароткі фільм пра каханне»	польск.: Krótki film o miłości	рэжысёр, сцэнарыст
1988	штф	«Дэкалог»	польск.: Dekalog	рэжысёр, сцэнарыст
1991	ф	«Падвойнае жыццё Веранікі»	фр.: La Double vie de Veronique, польск.: Podwójne życie Weroniki	рэжысёр, сцэнарыст
1993	ф	«Тры колеры: Сіні»	фр.: Trois couleurs: Bleu, польск.: Trzy kolory: Niebieski	рэжысёр, сцэнарыст
1993	ф	«Тры колеры: Белы»	фр.: Trois couleurs: Blanc, польск.: Trzy kolory: Biały	рэжысёр, сцэнарыст
1994	ф	«Тры колеры: Чырвоны»	фр.: Trois couleurs: Rouge, польск.: Trzy kolory: Czerwony	рэжысёр, сцэнарыст

Узнагароды і намінацыі

Асноўны артыкул: Спіс узнагарод і намінацый Кшыштафа Кеслёўскага

На працягу сваёй кар’еры Кшыштаф Кеслёўскі атрымаў мноства ўзнагарод і намінацый, пачынаючы з прэміі Golden Hobby-Horse на Кракаўскім кінафестывалі ў 1974 годзе. Ніжэй прыведзены спіс іншых узнагарод і намінацый Кшыштафа Кеслёўскага.[6]

Кароткі фільм пра забойства

Прэмія «Бодыль» за Найлепшы Еўрапейскі фільм (1990) Перамога
Прыз ФІПРЭСІ Канскага кінафестывалю (1988) Перамога
Прыз Журы Канскага кінафестывалю Перамога
Намінацыя на Залатую пальмавую галіну Канскага кінафестывалю (1988)
Прыз Французскага сіндыката кінакрытыкаў за Найлепшы замежны фільм (1990) Перамога

Дэкалог

Прэмія «Бодыль» за Найлепшы еўрапейскі фільм (1991) Перамога
Прэмія дзяцей і кіно Венецыянскага кінафестывалю (1989) Перамога
Прыз ФІПРЭСІ Венецыянскага кінафестывалю (1989) Перамога

Падвойнае жыццё Веранікі

Намінацыя на Срэбнага Кондара Аргенцінскай асацыяцыі кінакрытыкаў за Найлепшы замежны фільм (1992)
Прыз ФІПРЭСІ Канскага кінафестывалю (1991) Перамога
Прыз экуменічнага журы Канскага кінафестывалю (1991) Перамога
Намінацыя на Залатую пальмавую галіну Канскага кінафестывалю (1991)
Прыз Французскага сіндыката кінакрытыкаў за Найлепшы замежны фільм (1992) Перамога
Прыз глядацкіх сімпатый Міжнароднага варшаўскага кінафестывалю (1991) Перамога

Тры колеры: Сіні

Намінацыя на прэмію Сезар за Найлепшую рэжысуру (1994)
Намінацыя на прэмію Сезар за Найлепшы фільм (1994)
Намінацыя на прэмію Сезар за Найлепшы арыгінальны ці адаптаваны сцэнарый (1994)
Прэмія Залаты Ciak Венецыянскага кінафестывалю (1993) Перамога
Прэмія Залаты Леў Венецыянскага кінафестывалю (1993) Перамога
Прэмія Малы Залаты Леў Венецыянскага Кінафестывалю (1993) Перамога
Прэмія OCIC Венецыянскага кінафестывалю (1993) Перамога

Тры колеры: Белы

«Сярэбраны мядзведзь» Берлінскага кінафестывалю за найлепшую рэжысуру (1994) Перамога
Намінацыя на прэмію Залаты мядзведзь Берлінскага Міжнароднага кінафестывалю (1994)

Тры колеры: Чырвоны

Намінацыя на прэмію Оскар за Найлепшую рэжысуру (1995)
Намінацыя на прэмію Оскар за Найлепшы сцэнарый (1995)
Намінацыя на прэмію BAFTA за Найлепшы фільм не на англійскай мове (1995)
Намінацыя на прэмію BAFTA за Найлепшы адаптаваны сцэнарый (1995)
Намінацыі кінапрэміі BAFTA на ўзнагароду Дэвіда Ліна за рэжысуру (1995)
Прэмія «Бодыль» за Найлепшы неамерыканскі фільм (1995) Перамога
Намінацыя на Залатую пальмавую галіну Канскага кінафестывалю (1994)
Намінацыя на прэмію Сезар за Найлепшую рэжысуру (1995)
Намінацыя на прэмію Сезар за Найлепшы фільм (1995)
Намінацыя на прэмію Сезар за Найлепшы арыгінальны ці адаптаваны сцэнарый (1995)
Прэмія Французскага сіндыката кінакрытыкаў за Найлепшы фільм (1995) Перамога
Узнагарода Міжнароднага кінафестывалю ў Ванкуверы за Самы папулярны фільм (1994) Перамога

Зноскі

1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
1 2 Krzysztof Kieslowski // Encyclopædia Britannica Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #119135779 // Агульны нарматыўны кантроль — 2012—2016. Праверана 10 снежня 2014.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #119135779 // Агульны нарматыўны кантроль — 2012—2016. Праверана 30 снежня 2014.
↑ Museum of Modern Art online collection Праверана 4 снежня 2019.
1 2 Awards for Krzysztof Kieślowski (нявызн.). Internet Movie Database. Праверана 19 May 2012.
↑ Sight & Sound | Modern Times (нявызн.) (недаступная спасылка). BFI (25 студзеня 2012). Архівавана з першакрыніцы 13 кастрычніка 2018. Праверана 9 September 2012.
↑ Krzysztof Kieślowski: Autobiografia, s. 11-12
↑ Krzysztof Kieślowski: Autobiografia, s. 18
↑ Krzysztof Kieślowski: Autobiografia, s. 20
↑ Krzysztof Kieślowski: Autobiografia, s. 21
↑ Krzysztof Kieślowski: Autobiografia, s. 79
1 2 http://www.culture.pl/baza-film-pelna-tresc/-/eo_event_asset_publisher/eAN5/content/krzysztof-kieslowski
↑ Krzysztof Kieślowski: Autobiografia, s. 24
↑ Krzysztof Kieślowski: Autobiografia, s. 30-31
↑ http://www.filmpolski.pl/fp/index.php/113608
↑ http://film.wp.pl/id,564,name,Krzysztof-Kieslowski,osoba_biografia.html?ticaid=116731

Літаратура

Krzysztof Kieślowski: Autobiografia. Kraków: Wydawnictwo Znak, 2006. ISBN 83-240-0648-6.
Stok, Danusia, ed. (1993). Kieślowski on Kieślowski. London: Faber and Faber. ISBN 0-571-17328-4.

Спасылкі

Krzysztof Kieślowski на сайце «Internet Movie Database» (англ.)
Trois couleurs: Bleu (1993) Архівавана 25 верасня 2008.
Trois couleurs: Rouge (1994) Архівавана 22 сакавіка 2008.
Артыкулы, інтэрв’ю і эсэ пра Кшыштафа Кеслёўскага Архівавана 26 жніўня 2017.
Артыкулы пра фільмы Кшыштафа Кеслёўскага Архівавана 26 жніўня 2017.