wd wp Пошук: ⬜

Барыс Міхайлавіч Дзмітрыеў

У Вікіпедыі ёсць артыкулы пра іншых асоб з прозвішчам Дзмітрыеў.

Барыс Міхайлавіч Дзмі́трыеў[1] (руск.: Борис Михайлович Дмитриев; 11 чэрвеня 1924 — 23 лютага 1944) — удзельнік партызанскага руху на тэрыторыі Магілёўскай вобласці ў час Вялікай Айчыннай вайны, камандзір дыверсійнай групы 221-а партызанскага атрада імя К. К. Ракасоўскага. Герой Савецкага Саюза (1944).

Біяграфія

Нарадзіўся 11 чэрвеня 1924 года ў Маскве. У 1942 годзе скончыў спецыяльную школу падрыўнікоў-мінёраў і быў накіраваны ў 221-ы партызанскі атрад імя К. К. Ракасоўскага, які дзейнічаў на тэрыторыі Магілёўскай вобласці. Падрыхтаваў 14 партызан-падрыўнікоў, удзельнічаў у падрыве 18 эшалонаў праціўніка. Дыверсійная група пад камандаваннем Б. М. Дзмітрыева ўзарвала 1400 чыгуначных рэек, 43 масты, 22 аўтамашыны, 3 танкі праціўніка.

Загінуў 23 лютага 1944 года ў баі за апорны пункт у вёсцы Каменічы Асіповіцкага раёна. Пахаваны ў Асіповічах.

Узнагароды

Памяць

Імем Героя названы вуліцы ў гарадах Асіповічы і Лёзна, сярэдняя школа № 1 у Асіповічах.

Зноскі

↑ Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава.

Літаратура

Дзмітрыеў Барыс Міхайлавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 6: Дадаізм — Застава. — 576 с. — 10 000 экз. — ISBN 985-11-0106-0 (т. 6), ISBN 985-11-0035-8. — С. 124.

Спасылкі

Барыс Міхайлавіч Дзмітрыеў на сайце «Героі краіны»
Дзмітрыеў Барыс Міхайлавіч (1924—1944) // Сайт Магілёўскай абласной бібліятэкі імя У. І. Леніна
Барыс Міхайлавіч Дзмітрыеў // Дзяржаўная ўстанова адукацыі «Сярэдняя школа № 1 г. Асіповічы імя Б. М. Дзмітрыева» Архівавана 24 студзеня 2021.
На вечном хранении // Журнал «Смена», № 951, Январь 1967. (руск.)