Ян П’ер Цьерсен (фр.: Yann Pierre Tiersen; нар. 23 чэрвеня 1970, Брэст, Брэтань, Францыя) — брэтонскі мульціінструменталіст, кампазітар-мінімаліст, спявак. Іграе на разнастайных інструментах, сярод якіх скрыпка, фартэпіяна, акардэон, акустычная і электрагітара, віяланчэль, карыльён, клавесін, меладычная гармоніка, вібрафон, мандаліна, банджа і інш.
Дэбютаваў у 1995 годзе з альбомам «La Valse des Monstres». Атрымаў шырокую папулярнасць, дзякуючы саўндтрэку да фільма «Неверагодны лёс Амэлі Пулен». Лаўрэат прэміі «Сезар» за музыку да гэтага фільма.