Чэмпіянат свету 2008 (англ.: World Snooker Championship 2008, таксама вядомы як 888.com World Snooker Championship 2008 — ад назвы спонсара) — прафесійны рэйтынгавы турнір па снукеры, які праходзіў з 19 красавіка па 5 мая 2008 года на арэне тэатра Крусібл, у Шэфілдзе, Англія. Турнір стаў 74-м розыгрышам чэмпіянату свету, які быў заснаваны ў 1927 годзе. Кампанія 888 Holdings у трэці раз спансавала чэмпіянат свету. Прызавы фонд турніру склаў £1,050,000, з якіх £250,000 атрымаў пераможца.