Чарлз Гейтс Даўэс (англ.: Charles Gates Dawes; 27 жніўня 1865, Марыета, штат Агая — 23 красавіка 1951, Эванстан, штат Ілінойс) — дзяржаўны і ваенны дзеяч ЗША, прадпрымальнік, лаўрэат Нобелеўскай прэміі міру (1925).
Удзельнік Першай сусветнай вайны, брыгадны генерал. Быў старшынёй міжнароднага камітэта экспертаў, якія выпрацавалі ў 1923—1924 рэпарацыйны план для Германіі. У 1925—1929 віцэ-прэзідэнт ЗША ад Рэспубліканскай партыі пры прэзідэнце Кальвіне Куліджы, прычым адносіны віцэ-прэзідэнта і прэзідэнта былі горшымі за ўсю гісторыю: адразу пасля абрання Даўэса адправіў Куліджу абразлівы ліст, заявіўшы, што не будзе прымаць удзел у пасяджэннях урада, а затым пасварыўся і з сенатарамі (па пасадзе віцэ-прэзідэнт з’яўляецца старшынёй Сената). У далейшым першыя дзве асобы дзяржавы так і не прымірыліся. У 1929—1932 пасол у Вялікабрытаніі.
Нобелеўская прэмія міру (1925) — «У знак прызнання ўкладу ў план, які носіць яго імя».