У Вікіпедыі ёсць артыкулы пра іншых асоб з прозвішчам Кулідж. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}
Кальвін Кулідж (англ.: John Calvin Coolidge Jr.; 4 ліпеня 1872 — 5 студзеня 1933) — дзяржаўны дзеяч ЗША. У 1918—1919 гадах губернатар штата Масачусетс. У 1921-23 гадах — віцэ-прэзідэнт; у 1923-29 гадах — прэзідэнт ЗША (30-ы) ад Рэспубліканскай партыі (ўступіў на пасаду пасля смерці прэзідэнта У. Гардзінга).
Будучы юрыстам з штата Вермонт, Кулідж працягнуў свой кар’ерны шлях у штаце Масачусэтс, стаў губернатарам гэтага штата. Яго адказ на Бостанскую паліцэйскую стачку 1919 года прыцягнуў да яго увагу ўсёй нацыі і даў яму рэпутацыю чалавека рашучых дзеянняў. Неўзабаве пасля гэтага ён быў абраны 29-м віцэ-прэзідэнтам у 1920 годзе і ўступіў на пасаду прэзідэнта пасля раптоўнай смерці Гардзінга ў 1923 годзе. Абраны на паступных выбарах 1924 года, ён набыў рэпутацыю чалавека кансерватыўнага ўрада, і акрамя таго, чалавека, які вельмі мала кажа і мае даволі сухое пачуццё гумару.
Кулідж аднавіў давер грамадскасці да Белага дома пасля скандалаў адміністрацыі свайго папярэдніка і пакінуў свой пост на вышыні папулярнасці. Згодна сведчанняў біёграфаў Кулідж увасабляў дух і надзеі сярэдняга класа. Пасля выхаду на пенсію Кулідж мала пражыў, ён памёр ва ўзросце 60 гадоў у студзені 1933 года, менш чым за два месяцы да сканчэння тэрміну пасады Герберта Гувера, свайго прамога пераемніка. Хоць яго рэпутацыя падвергнулася рэнесансу падчас адміністрацыі Рональда Рэйгана, сучасныя ацэнкі прэзідэнцтва Куліджа дзеляцца, хоць усе даследчыкі хваляць яго падтрымку расавай роўнасці.