Такліно́ў[1] (трансліт.: Taklinoŭ, руск.: Теклинов) — былая вёска ў Брагінскім раёне Гомельскай вобласці. Уваходзіла ў склад Вуглоўскага сельсавета.
Ліквідавана 25 сакавіка 2011 года, тэрыторыя ўвайшла ў склад аграгарадка Вуглы[2].
У 9 км на поўнач ад Брагіна, 29 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 118 км ад Гомеля.
Транспартныя сувязі па прасёлкавай, затым аўтамабільнай дарозе, якая злучае Брагін з дарогай Лоеў — Рэчыца.
Планавальна складаецца з прасталінейнай шыротнай вуліцы, якая на ўсходзе далучаецца да цэнтра прасталінейнай мерыдыянальнай вуліцы. Забудова драўлянымі хатамі сядзібнага тыпу.
Вядомая з XIX стагоддзя як сяліба ў Брагінскай воласці Рэчыцкага павета Мінскай губерні. У 1926—1927 гадах цэнтр Такліноўскага сельсавета. У 1930 годзе арганізаваны калгас імя Ланцуцкага, працавала гамарня. У 1959 годзе ў складзе калгаса імя Ф.Энгельса (цэнтр — вёска Вуглы).