Сямён Аляксандравіч Забагонскі (14 студзеня 1910 — 27 студзеня 1955) — удзельнік Вялікай Айчыннай вайны, Герой Савецкага Саюза (1943).
Нарадзіўся ў вёсцы Залучча (зараз у Верхнядзвінскім раёне, Віцебская вобласць, Беларусь). У Чырвонай Арміі з верасня 1941 г., на Заходнім, Цэнтральным, Варонежскім, 4-м Украінскім франтах. Памочнік камандзіра ўзвода сяржант С. А. Забагонскі вызначыўся пры вызваленні Кіеўскай вобласці. У ноч на 24.09.1943 г. на чале групы разведчыкаў фарсіраваў Дняпро на поўнач ад гарадскога пасёлка Ржышчыў, светлавымі сігналамі паказаў месца для прычальвання лодак і плытоў. Падраздзяленні палка паспяхова пераправіліся цераз раку. Удзельнічаў у баі за плацдарм, адбіцці контратак.
Званне Героя Савецкага Саюза прысвоена 23.10.1943 г. Член КПСС з 1944 г.
Пасля вайны працаваў у Томскай і Ленінградскай абласцях.
У вёсцы Залучча ў памяць аб С. А. Забагонскім пастаўлена стэла.