Скрыпнёвыя[3][4], таксама Асліннікавыя[3] (Onagraceae) — сямейства двухдольных кветкавых раслін.
Налічвае больш за 20 родаў, якія аб’ядноўваюць звыш 640 відаў. На тэрыторыі Беларусі каля 25 відаў[3].
Пераважна шматгадовыя травы, часам кусты і паўкусты, рэдка невялікія дрэвы. Лісце чаргаванае або супраціўнае, суцэльнае, звычайна ланцэтнае, суцэльнакрайняе ці зубчастае. Кветкі адзіночныя або з лісцінкамі ў коласпадобных, гронкападобных або мяцёлкавых суквеццях, большай часткай правільныя і абодваполыя, звычайна чатырочленікавыя, з кветкавай трубкай, прырослыя да завязі. Плод — каробачка або арэхападобны, рэдка — ягадападобны.
Сямейства налічвае два падсямействы, шесць трыб і 20 родаў[5]:
Падсямейства Ludwigioideae
Падсямейства Onagroideae
Трыба Circaeeae
Трыба Epilobieae
Трыба Gongylocarpeae
Трыба Hauyeae
Трыба Lopezieae
Трыба Onagreae
Паводле The Plant List на 2013 год, у склад сямейства ўваходзяць 45 родаў, якія ўключаюць 832 віды[6].
Дэкаратыўныя, лекавыя, кармавыя, меданосныя расліны. Некаторыя віды — пустазелле.