wd wp Пошук:
    ⬜

    Санта-Марыя-дэль-Попала

    Санта-Марыя дэль Попала (італ.: Basilica di Santa Maria del Popolo) — тытулярная царква ордэна аўгусцінцаў у Рыме, размешчана на названым па царкве вялікім п’яцца-дэль-Попала.

    Архітэктура

    Інтэр’ер асноўнага храма

    Будынак узведзены ў 1472—1477 гадах на аснове раманскай капэлы (капліцы) каля таполі (populus), пабудаванай Папам Пасхаліем II у 1099 годзе паблізу паўночнай брамы Рыма.

    Царква пабудавана ў выглядзе лацінскага крыжа, аднак здалёку здаецца цэнтрычнай праз купал, які ўзвышаецца над міжкрыжаваннем, і сіметрыі падкупальнай прасторы (праект Рафаэля Санці). Таму будынак агулам лічыцца помнікам рэнесанснай архітэктуры.

    Цяперашні фасад царквы аформлены па праекце Джавані Ларэнца Берніні.

    Унутры храм мае тры нефы з чатырма капэламі па кожным баку, трансепт і прэсбітэрый. У перыяд барока былі дададзены статуі ў нішах.

    Апсіда і галоўны алтар створаны Даната Брамантэ у 1505—1513 гадах. Карціны ў алтары — Себасцьяна дэль П’ёмба. Фрэска ў консе — Пінтурык’я.

    У храме знаходзяцца некалькі капэл, сярод якіх вядома шырокай публіцы па кнізе Дэна Браўна «Анёлы і дэманы» і аднайменным фільме — капэла Кіджы.

    Капэлы

    Капэлу Кіджы спраектаваў Рафаэль для свайго апекуна Агасціна Кіджы. Мазаічнае ўпрыгожанне капэлы таксама створана Рафаэлем, карціны ў алтары — Себасцьяна дэль П’ёмба. Таксама да канца XVI стагоддзя ў царкве знаходзіліся напісаныя для яе Рафаэлем партрэт Папы Юлія II і абраз Мадонна дэль Попала.

    Капэлу Чэразі распісвалі майстры ранняга барока — Анібале Карачы і Караваджа. Створаныя Караваджа палотны на тэмы з жыцця Святога Пятра належаць да найбольш значных твораў італьянскага жывапісу XVII стагоддзя.

    Капэлу з грабніцамі роду дэла Роверэ ўпрыгожваў жывапісам Пінтурык’я.

    Зноскі

    1. ↑ dati.beniculturali.it — 2014.
    2. ↑ (unspecified title) Праверана 6 студзеня 2021.
    3. ↑ http://www.santamariadelpopolo.it/it/?lang=it

    Спасылкі

    Тэмы гэтай старонкі (7):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Храмы паводле алфавіта
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
    Катэгорыя·Каталіцкія храмы Рыма
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Тытулярныя цэрквы Рыма