У гэтага паняцця ёсць і іншыя значэнні, гл. Алтай.
Рэспубліка Алтай (руск.: Республика Алтай, Горный Алтай; коратка — Горны Алтай) — суб’ект Расійскай Федэрацыі, размешчаны на поўдні Заходняй Сібіры ў басейне рэк Біі і Катуні. Рэспубліка Алтай знаходзіцца ў цэнтры Еўразійскага кантынента, мае знешнюю мяжу з Кітаем, Манголіяй, Казахстанам і ўнутраную мяжу з суб’ектамі Расійскай Федэрацыі — рэспублікамі Тувой і Хакасіяй, Алтайскім краем і Кемераўскай вобласцю.
Насельніцтва рэспублікі складае 203,9 тыс. чал. (2005), удзельная вага гарадскога насельніцтва 25,9 %. Па дадзеных перапісу 2002, 57,4 % насельніцтва рускія, 30,6 % алтайцы, 6,0 % казахі, 1,2 % тэленгіты, 0,8 % тубалары.
Падзяляецца на 1 горад і 10 раёнаў.