Радко́ў[2] (трансліт.: Radkoŭ, руск.: Радков) — вёска ў Акцябрскім раёне Гомельскай вобласці. Уваходзіць у склад Валосавіцкага сельсавета.
У 26 км на паўднёвы ўсход ад гарадскога пасёлка Акцябрскі, 256 км ад Гомеля, 29 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.
На рацэ Трэмля (прыток Прыпяці), на захадзе меліярацыйныя каналы.
Транспартныя сувязі па прасёлкавай, затым аўтамабільнай дарозе Акцябрскі — Азарычы.
Планіроўка складаецца з прамалінейнай вуліцы, арыентаванай з паўднёвага захаду на паўночны ўсход, на ўсходзе невялікі адасоблены ўчастак забудовы. Жылыя хаты драўляныя, сядзібнага тыпу. Аўталаўка.
Па пісьмовых крыніцах вядомая з XIX стагоддзя як вёска ў Крукавіцкай воласці Рэчыцкага павета Мінскай губерні.
У 1930 годзе арганізаваны калгас «Шлях Леніна», працавала гамарня.
Падчас Вялікай Айчыннай вайны ў красавіку 1942 года нямецкія акупанты амаль цалкам спалілі вёску (146 двароў са 149) і забілі 120 жыхароў[3]
У снежні 1943 года карнікі забілі яшчэ 9 жыхароў (пахаваны ў магіле ахвяр фашызму на паўночнай ускраіне вёскі; у 1966 годзе пастаўлены абеліск). 94 жыхары загінулі на фронце.
Прозвішча, імя, імя па бацьку | Год нар. | Званне | Пасада | Дата смерці | Месца пахавання | Найбліжэйшая радня |
---|---|---|---|---|---|---|
Казакоў Сямён Фёдаравіч[4] | 1913 | Чырвонаармеец | Стралок | 19.03.1944 | г. Ковель | Жонка Казакова Еўдакія Фёдараўна |
Селівон Мікалай Сцяпанавіч[5] | 1928 | Чырвонаармеец | Стралок | 18.02.1945 | Грос Эзерыц, Германія | Бацька Селівон Сцяпан |
Прозвішча, імя, імя па бацьку | Год нар. | Званне | Пасада | Дата смерці | Месца пахавання | Найбліжэйшая радня |
---|---|---|---|---|---|---|
Ігнатовіч Якаў Фёдаравіч[6] | 1898 | Чырвонаармеец | Стралок | Невядома | Невядома | Жонка Ігнатовіч Марыя Сямёнаўна |
Ігнатовіч Ціхан Цярэнцевіч[7] | 1903 | Чырвонаармеец | Стралок | Невядома | Невядома | Жонка Ігнатовіч Вера Навумаўна |
Ігнатовіч Даніла Цярэнцевіч[8] | 1898 | Чырвонаармеец | Стралок | Невядома | Невядома | Жонка Ігнатовіч Яўгенія Піліпаўна |
Ігнатовіч Павел Яфімавіч[9] | 1912 | Чырвонаармеец | Стралок | Невядома | Невядома | Жонка Ігнатовіч Просся Яўгенаўна |
Ігнатовіч Дзмітрый Данілавіч[10] | 1908 | Радавы | Стралок | Невядома | Невядома | Бацька Ігнатовіч Даніла Іванавіч |
Палуян Дзямян Сцяпанавіч[11] | 1912 | Чырвонаармеец | Стралок | Невядома | Невядома | Жонка Палуян Вольга Данілаўна |