wd wp Пошук: ⬜

Падвей

Падвей[3] (Eriophorum) — род шматгадовых травяністых раслін сямейства асаковыя.

Батанічнае апісанне

Вышыня да 1 м. Расліны ўтвараюць купінкі. Лісце лінейнае. Кветкі двухполыя, у каласках; калякветнік з ніткападобных валаскоў, якія разрастаюцца ў пухоўкі пры пладах — арэшках.

Арэал

Вядома каля 20 відаў, пашыраных у халодным і ўмераным паясах Паўночнага паўшар’я. На тэрыторыі Беларусі падвей похвенны (Eriophorum vaginatum), падвей шматкаласковы (Eriophorum polystachion), падвей шыракалісты (Eriophorum latifolium) і інш. растуць на балотах, забалочаных лугах, у балотных лясах; цвітуць у чэрвені.

Значэнне і выкарыстанне

Падвей похвенны (Eriophorum vaginatum) — торфаўтваральнік, падвей шыракалісты (Eriophorum latifolium) — лекавая расліна.

Зноскі

↑ Ужываецца таксама назва Пакрытанасенныя.
↑ Пра ўмоўнасць аднясення апісванай у гэтым артыкуле групы раслін да класа аднадольных гл. раздзел «Сістэмы APG» артыкула «Аднадольныя».
↑ Киселевский А. И. Латино-русско-белорусский ботанический словарь. — Минск: «Наука и техника», 1967. — С. 50. — 160 с. — 2 350 экз.

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — С. 448. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.

Спасылкі

Пушица — род Eriophorum: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)