wd wp Пошук: ⬜

Ордэн «Знак Пашаны»

У гэтага паняцця ёсць і іншыя значэнні, гл. Ордэн Пашаны. Ордэн «Знак Пашаны» — дзяржаўная ўзнагарода СССР. Заснаваны пастановай ЦВК СССР 25 лістапада 1935 года. 22 жніўня 1988 года быў пераназваны ў ордэн Пашаны[1][2].

Да 1991 года праведзена каля 1 млн 581 тысячы ўзнагароджанняў.

Статут ордэна

Ордэн «Знак Пашаны» заснаваны для ўзнагароджання за высокія дасягненні ў вытворчасці, навукова-даследчай, дзяржаўнай, сацыяльна-культурнай, спартыўнай і іншай грамадска карыснай дзейнасці, а таксама за праявы грамадзянскай доблесці.
Ордэнам «Знак Пашаны» ўзнагароджваюцца:

грамадзяне СССР;
прадпрыемствы, аб’яднанні, установы, арганізацыі, раёны, гарады і іншыя населеныя пункты.

Ордэнам «Знак Пашаны» могуць быць узнагароджаны і асобы, не якія з’яўляюцца грамадзянамі СССР, а таксама прадпрыемствы, установы, арганізацыі, населеныя пункты замежных дзяржаў.

Узнагароджанне ордэнам «Знак Пашаны» адбываецца

за высокія вытворчыя паказчыкі ў прамысловасці, сельскай гаспадарцы, будаўніцтве, на транспарце, сувязі, гандлю, грамадскім харчаванні, жыллёва-камунальнай гаспадарцы, бытавым абслугоўванні насельніцтва, у іншых галінах народнай гаспадаркі;
за дасягненне высокай прадукцыйнасці працы, паляпшэнне якасці прадукцыі, зніжэнне матэрыяльных і працоўных выдаткаў на яе выраб, поспехі ў павышэнні эфектыўнасці грамадскай вытворчасці;
за высокія вынікі ў сацыялістычным спаборніцтве па выкананню і перавыкананню планавых заданняў;
за ўкараненне ў вытворчасць новай тэхнікі тэхналогіі, перадавога вопыту, асабліва каштоўныя вынаходствы і рацыяналізатарскія прапановы;
за поспехі ў навукова-даследчай дзейнасці;
за творчыя дасягненні ў вобласці савецкай культуры, літаратуры, мастацтва, поспехі ў навучанні і камуністычным выхаванні падрастаючага пакалення, падрыхтоўцы высокакваліфікаваных кадраў, медыцынскім абслугоўванні насельніцтва, развіцці фізічнай культуры і спорту і іншай грамадска карыснай дзейнасці;
за заслугі ва ўмацаванні абараназдольнасці краіны;
за плённую дзяржаўную і грамадскую дзейнасць;
за заслугі ў развіцці эканамічных, навукова-тэхнічных, культурных і іншых сувязяў паміж СССР і іншымі дзяржавамі;
за смелыя і знаходлівыя дзеянні, здзейсненныя пры выратаванні жыцця людзей, ахове грамадскага парадку, у барацьбе са стыхійнымі бедствамі і іншыя праявы грамадзянскай доблесці.

Ордэн «Знак Пашаны» носіцца на левым баку грудзей і пры наяўнасці іншых ордэнаў СССР размяшчаецца пасля ордэны Дружбы народаў.

28 снежня 1988 года Указам Прэзідыума Вярхоўнага Савета СССР быў зацверджаны новы статут ордэна Пашаны і яго апісанне[3].

Апісанне ордэна

Ордэн «Знак Пашаны» мае форму авала, апраўленага па баках дубовымі галінкамі. У цэнтры яго змешчаны фігуры рабочага і працаўніцы, якія нясуць сіметрычна размешчаныя злева і справа ад іх сцягі з надпісам «Пралетарыі ўсіх краін, яднайцеся!»,

У верхняй частцы ордэна размешчана пяціканцовая зорка, пад якой на фоне сцягоў знаходзіцца рэльефны надпіс «СССР». У ніжняй частцы ордэна змешчана рэльефны надпіс «ЗНАК ПОЧЕТА» (руск.: ЗНАК ПАШАНЫ).

Сцягі і зорка пакрыты лалава-чырвонай эмаллю і абрамлены па контурах пазалочанымі абадкамі. Дрэўкі сцягоў і надпісы пазалочаны, дубовыя галіны, ніжняя частка ордэна і яго агульны фон аксідаваны.

Ордэн «Знак Пашаны» вырабляецца са срэбра. Вышыня ордэна — 46 мм, шырыня — 32,5 мм,

Ордэн пры дапамозе вушка і кольца злучаецца з пяцівугольнай калодачкай, абцягнутай шаўковай муаравай стужкай светла-ружовага колеру з дзвюма падоўжнымі аранжавымі палоскамі па краях. Шырыня стужкі — 24 мм, шырыня палосак па 3,5 мм.

Пасля пераназвання ордэна «Знак Пашаны» ў ордэн Пашаны ў 1988 годзе змяніўся знешні выгляд ордэна мала. Ордэн Пашаны адрозніваецца ад ордэна «Знак Пашаны» тым, што надпіс «ЗНАК ПОЧЕТА» ў ніжняй частцы аверса заменены накладной рэльефнай выявай сярпа і молата і дзвюх лаўровых галін. Накладка мацуецца да асновы ордэна з дапамогай двух штыфтоў[4]. Пры пераходзе з ордэна «Знак Пашаны» на ордэн Пашаны нумарацыя знакаў не перарывалася[5].

Кавалеры ордэна

ад 5 красавіка 1983 г.

Гарады, узнагароджаныя ордэнам «Знак Пашаны»

Пецяргоф (1973 год)
Суздаль (1974 год)
Арзамас, Аха (1978 год),
Вэрхнёдніпроўск, Ігарка (1979 год),
Балашоў, Кізляр, Кузнецк, Ліда (1980 год),
Гусь-Хрустальны, Рузаеўка, Абакан, Вольск (1981 год),
Бугульма, Ішым (1982 год),
Сызрань, Белая Царква, Чусавой (1983 год),
Мэлітопаль, Бірабіджан (1984 год),
Мічурынск, Кушва, Ладзейнае Поле, Лысьва, Стрый, Сніжнэ (1985 год),
Краснаўфімск, Ліўны, Бузулук (1986 год),
Табольск, Кашын (1987 год).

Зноскі

Літаратура

Колесников Г. А., Рожков А. М. Ордена и медали СССР. М., ВИ, 1983
Сборник законодательных актов о государственных наградах СССР. М., 1984
Гребенникова Г. И., Каткова Р. С. Ордена и медали. М., 1982
Можейко И. В. Награды. М., 1998
Дуров В. А. Отечественные награды. 1918—1991. М., 2005
Горбачёв А. Н. Многократные кавалеры орденов СССР. М., 2006
Горбачёв А. Н. 10000 генералов страны. М., 2007

Спасылкі

На Вікісховішчы ёсць медыяфайлы па тэме Ордэн «Знак Пашаны»
Статут і апісанне ордэна

Тэмы гэтай старонкі (5):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Узнагароды паводле алфавіта
Катэгорыя·Ордэн «Знак Пашаны»
Катэгорыя·Ордэны СССР
Катэгорыя·Іншыя значэнні: старонка не існуе