Верхнедняпроўск ці Вэрхнёдніпроўск[1] (укр.: Верхньодніпровськ) — горад у Днепрапятроўскай вобласці Украіны на рацэ Дняпро на правым беразе Кам’янскага вадасховішча. Раённы цэнтр.
Берагі Дняпра ў гэтым месцы даволі высокія і перакапаныя ярамі і бэлькамі, з-за гэтага ў горадзе існуюць значныя перапады вышынь - ад 60 да 158 метраў над узроўнем мора. Праз горад праходзіць аўтамагістраль Кіеў (Барыспіль) - Дніпро - Запарожжа - Марыупаль.