wd wp Пошук: ⬜

Міхаіл Аркадзевіч Лісіцын

У Вікіпедыі ёсць артыкулы пра іншых асоб з прозвішчам Лісіцын. Міхаіл Аркадзевіч (Майсей Айзікавіч) Лісіцын (2 ліпеня 1920, Віцебск — 2004 [1]) — беларускі музыкант, дырыжор, педагог. Заслужаны работнік культуры Беларусі (1972).

Біяграфія

Скончыў Беларускую кансерваторыю (1951). З 1946 г. артыст Дзяржаўнага народнага аркестра Беларусі, у 1948—1963 гг. — секстэта домбраў Беларускага радыё і тэлебачання. У 1963—1992 гг. выкладаў у Мінскім педагагічным інстытуце. Кіраўнік аркестраў, у тым ліку народнага аркестра народных інструментаў БДУ (1953—1980).

Аўтар аранжыровак для аркестра народных інструментаў твораў музычнай класікі беларускіх кампазітараў (у тым ліку галоп, вальс і танец з оперы «Калючая ружа» Ю. Семянякі, «Палеская сюіта» Я. Глебава, «Святочная ўверцюра» А. Багатырова, «Мой родны кут» І. Лучанка, «Кадрыль» Я. Цікоцкага, «Полька» М. Чуркіна).

Зноскі

↑ Лисицын, Михаил Аркадьевич (1920—2004)(недаступная спасылка) // Нацыянальная бібліятэка Беларусі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.

Спасылкі

Лисицын, Михаил Аркадьевич (1920—2004)(недаступная спасылка) // Нацыянальная бібліятэка Беларусі