wd wp Пошук:
    ⬜

    Міхась Клімковіч

    У Вікіпедыі ёсць артыкулы пра іншых асоб з прозвішчам Клімковіч.

    Міха́сь Клімко́віч (Міхаі́л Мікала́евіч; 8 (20) лістапада 1899, в. Сялітранка, цяпер Барысаўскі раён, Мінская вобласць, Беларусь — 5 лістапада 1954, Мінск) — беларускі паэт, драматург, празаік, крытык, аўтар тэксту гімна БССР — «Мы, беларусы».

    Біяграфія

    Нарадзіўся ў вёсцы Сялітранка Барысаўскага павета ў сялянскай сям’і. У 1915 г. скончыў Барысаўскае вышэйшае чатырохкласнае вучылішча. Здаў экстэрнам экзамен на званне народнага настаўніка. Настаўнічаў у Барысаўскім павеце (1915—1921). Служыў у Чырвонай Арміі (1921—1923), потым ізноў настаўнічаў. Працаваў на партыйнай і прафсаюзнай рабоце. У 1932—1934 гг. — старшыня аргкамітэта, а ў 1934—1939 — першы старшыня праўлення Саюза пісьменнікаў БССР. У канцы 1936 г. быў абвінавачаны ў сувязях з «трацкістамі і нацдэмамі», таму спрабаваў скончыць жыццё самагубствам (перарэзаў сабе горла)[3].

    У 1943—1947 гг. быў галоўным рэдактарам Дзяржаўнага выдавецтва БССР у Маскве, потым у Мінску. Літкансультант Саюза пісьменнікаў БССР (1947—1954).

    Член РКП(б) з 1920. Старшыня рэвізійнай камісіі КПБ (1930—1932). У 1932—1937 гг. кандыдат у члены ЦК КП(б)Б. Член ЦВК БССР у 1931—1938 гг.

    З жонкай Марыяй Язэпаўнай мелі дачок Маю (1927—2014)[4] і Святлану (1935—2001).

    Памёр 5 лістапада 1954 года, пахаваны ў Мінску на Вайсковых могілках.

    Творы

    Магіла на Вайсковых могілках у Мінску

    Друкаваўся з 1926 г.

    Аўтар слоў да песні Н. Сакалоўскага «Мы, беларусы» (1944), зацверджанай Дзяржаўным гімнам БССР (1955)[5].

    У 1946 г. у дзяржаўным выдавецтва БССР выйшаў зборнік прозы М. Клімковіча «Лясное возера». Апрацаваў зборнік «Беларускія народныя казкі» (1946). У 1947 г. выйшаў зборнік «Драматычныя паэмы». У 1959 г. выдадзены Збор твораў у 2 тамах.

    Даследаваў беларускую літаратуру. Аўтар прац «Літаратура Савецкай Беларусі за 15 год» (1934), «Аб жыватворчым уплыве рускай літаратуры на беларускую літаратуру (1953), «Літаратурна-крытычныя артыкулы (1962).

    Зноскі

    1. ↑ Беларуская Вікіпедыя — 2007.
    2. 1 2 3 4 5 (unspecified title) Праверана 28 снежня 2021.
    3. ↑ Жанна Васанская. Больший родители и их дети(руск.) . БД (web.archive.org) (3 мая 2002). Архівавана з першакрыніцы 9 красавіка 2009.
    4. ↑ Памерла Мая Клімковіч // сайт «Наша Ніва», 23 верасня 2014
    5. ↑ Почему создание и утверждение Государственного гимна БССР растянулось на 11 лет Архівавана 26 ліпеня 2019. // TUT.BY 24 октября 2015.

    Літаратура

    Спасылкі

    Тэмы гэтай старонкі (34):
    Пахаваныя на Вайсковых могілках (Мінск)
    Драматургі Беларусі
    Беларускамоўныя паэты
    Нарадзіліся 20 лістапада
    Памерлі ў 1954 годзе
    Перакладчыкі Беларусі
    Крытыкі паводле алфавіта
    Нарадзіліся ў Барысаўскім павеце
    Старшыні Рэвізійнай камісіі КПБ
    Перакладчыкі паэзіі на беларускую мову
    Нарадзіліся ў 1899 годзе
    Беларускамоўныя пісьменнікі
    Артыкулы з праблемамі ў параметрах шаблонаў
    Вікіпедыя:Спасылкі на Энцыклапедыю гісторыі Беларусі без аўтара
    Паэты Беларусі
    Памерлі 5 лістапада
    Пісьменнікі Беларусі
    Вікіпедыя:Артыкулы з пераазначэннем значэння з Вікідадзеных
    Вікіпедыя:Артыкулы пра асоб, для якіх не існуюць старонкі віду «Імя Прозвішча»
    Члены КПСС
    Члены Саюза пісьменнікаў СССР
    Члены Саюза беларускіх пісьменнікаў
    Асобы
    Перакладчыкі з рускай мовы
    Члены ЦВК БССР
    Кандыдаты ў члены ЦК КПБ
    Вікіпедыя:Спасылкі на Энцыклапедыю гісторыі Беларусі без нумароў старонак
    Літаратуразнаўцы Беларусі
    Супрацоўнікі выдавецтва «Беларусь»
    Крытыкі Беларусі
    Вікіпедыя:Спасылкі на Энцыклапедыю гісторыі Беларусі без назвы артыкула
    Памерлі ў Мінску
    Пісьменнікі паводле алфавіта
    Вікіпедыя:Артыкулы з крыніцамі з Вікідадзеных