Мацільда Плантагенет (ням.: Mathilde Plantagenet, англ.: Matilda of England; 1156, Віндзарскі замак — 28 чэрвеня 1189, Браўншвайг) — прадстаўніца англійскай дынастыі Плантагенетаў, герцагіня Баварыі і Саксоніі, другая жонка Генрыха Льва, магутнага манарха з дынастыі Вельфаў.
Дачка караля Англіі Генрыха II і каралевы Аліеноры Аквітанскай, сястра каралёў Англіі Рычарда I Львінае Сэрца і Іаана Беззямельнага. Пахавана з мужам у Браўншвайгскім саборы.