28 чэрвеня — сто семдзесят дзявяты (сто васьмідзесяты ў высакосны год) дзень года па Грыгарыянскім календары.
1098: У бітве пры Антыёхіі, армія Першага крыжовага паходу, зачыненая ў горадзе, перамагла сельджукаў
1389: На Косавым полі сербскае войска князя Лазара разбіта туркамі.
1569: Падпісанне Люблінскай уніі. 1 ліпеня унія зацверджана дэпутатамі польскага і літоўскага соймаў.
1660: Адбылася бітва пад Палонкай, войскі Рэчы Паспалітай разбілі маскоўскае войска на чале з Іванам Хаванскім.
1812: У Варшаве створана Генеральная канфедэрацыя. Акт канфедэрацыі абвяшчаў аднаўленне Каралеўства Польскага.
1868: Эмір Бухарскі прызнаў сябе васалам Расіі.
1914: Забойства ў Сараеве сербскімі тэрарыстамі аўстра-венгерскага эрцгерцага Франца Фердынанда, што паслужыла нагодай да пачатку Першай Сусветнай вайны.
1919: Падпісаны Версальскі мірны дагавор, афіцыйна завершылася Першая Сусветная вайна.
1919: Заснавана Ліга Нацый.
1941: Створаны першы ў Вялікую Айчынную вайну на тэрыторыі Беларусі партызанскі атрад пад камандаваннем Васіля Каржа.
1944: Савецкая Армія вызваліла Віцебск і знішчыла Віцебскую групоўку нацыстаў.
1947: Беларускай гімназіі ў Рэгенсбургу (Германія) прысвоена імя Янкі Купалы.
1950: Паўночнакарэйскія войскі занялі горад Сеул.