wd wp Пошук: ⬜

Максім Расціслававіч Жбанкоў

Максім Расціслававіч Жбанкоў (руск.: Максим Ростиславович Жбанков) (19 студзеня 1958, Мінск, БССР, СССР) — беларускі культуролаг, кінакрытык, журналіст, педагог.

Кандыдат філасофскіх навук (1986), дацэнт.

Адукацыя

Скончыў Беларускі дзяржаўны ўніверсітэт (філасофскае аддзяленне), аспірантуру. У 1986 г. паспяхова абараніў дысэртацыю на тэму «Светапоглядныя перадумовы станаўлення прыродазнаўства» і атрымаў навуковую ступень кандыдата філасофскіх навук.

Праходзіў тэрміновую службу ва Узброеных Сілах СССР (Рыга, Калінінградская вобласць).

Сям’я

Жанаты, мае сына Максіма, студэнта Мінскага дзяржаўнага лінгвістычнага ўніверсітэта.

Працоўная дзейнасць

Працаваў у Беларускім дзяржаўным універсітэце (выкладчыкам філасофіі), Беларускім фондзе Сораса.

У 1992—2012 гг. з’яўляўся нязменным вядучым «Кінаклуба» у мінскім кінатэатры «Победа». З 1997 г. выкладае у «Беларускім Калегіуме»: на першым курсе медыі і камунікацыі, а на другім курсе праводзіць спецыяльную студэнцкую лабараторыю «Аналіз візуальнага тэксту» (напісанне культурадаследчых тэкстаў для сучасных медый).

У 2005—2006 гг. быў загадчыкам аддзела культуры «Белорусской деловой газеты».

З’яўляецца сенатарам[1] і дацэнтам Еўрапейскага гуманітарнага ўніверсітэта (г. Вільнюс, Літва)[2]. Працуе таксама вядучым аўтарскіх праграм на радыё «Радыё Рацыя» і тэлеканале «Белсат»[3].

Творчая дзейнасць

Мае шматлікія публікацыі па пытанням сучаснай культуры, у тым ліку ў часопісах «Мастацтва», «Фрагмэнты», «pARTisan», на беларускай службе «Радыё Свабода», на сайце «Наше мнение». Член рэдакцыйнай рады часопіса «pARTisan», калумніст партала «Белорусские новости». Колам навуковых інтарэсаў з’яўляюцца дынаміка культуры, маргінальныя культурныя стратэгіі, масавая культура, сучасны стан беларускай культуры, аналіз візуальных тэкстаў. Яго тэксты перакладаліся на польскую, чэшскую і нямецкую мовы[3].

Сааўтар кнігі «Медыя і камунікацыі». Сааўтар кнігі «Беларусь: сценарии реформ» (2003), дзе ў прыватнасці на пару з філосафам Уладзімірам Мацкевічам аналізаваў рэформу беларускай сістэмы адукацыі[4]. Аўтар ідэі кнігі «Залатыя дыскі беларускага рок-н-ролу» (Мінск, 2004)[5]. У 2013 г. апублікаваў сваю кнігу «NO STYLE. Белкульт между Вудстоком и „Дажынкамі“» — збор эсэ, якія з’яўляюцца досведам аўтарскага асэнсавання тэндэнцый беларускай культуры апошняга дзесяцігоддзя (2000—2010)[6].

У 2012 і 2013 г. быў членам журы кінафестывалю «Bulbamovie». У 2014 г. быў адным з арганізатараў кінафестывалю «Bulbamovie». У 2015 г. быў адным з арганізатараў і старшынёй журы кінафестывалю «Bulbamovie».

У 2014 г. быў членам журы фестываля мабільнага кіно «velcom Smartfilm» (Беларусь)[7][8].

У 2015 г. быў членам журы міжнароднага кінафестывалю «Cinema Perpetuum Mobile»[9].

Знаёмы і сябруе з многімі дзеячамі беларускага мастацтва і журналістыкі — Андрэем Курэйчыкам [10], Андрэем Кудзіненкам [11], Сяргеем Харэўскім [12], Ігарам Сукманавым[13] і інш.

Максім Жбанкоў выступае з публічнай лекцыяй у рамках адукацыйнага праекта «Artes Liberales», арганізаванага Еўрапейскім гуманітарным універсітэтам (Літва) у мінскай галерэі «Ў». Фота 12 лютага 2013 г.
Максім Жбанкоў выступае з публічнай лекцыяй у рамках адукацыйнага праекта «Artes Liberales», арганізаванага Еўрапейскім гуманітарным універсітэтам у мінскай галерэі «Ў». Фота 12 лютага 2013 г.

Зноскі

Літаратура

Беларусь: сценарии реформ / ред. Алесь Антипенко, Валер Булгаков. — Варшава : Фонд имени Стефана Батория, 2003. — 367 с.
Жбанков, М. NO STYLE. Белкульт между Вудстоком и «Дажынкамі» / М. Жбанков. — Вильнюс : ЕГУ, 2013. — 268 с.

Знешнія спасылкі

Спіс публікацый Максіма Жбанкова на партале «Белорусские новости» // naviny.by
Максим Жбанков // nmnby.eu
Максім Жбанкоў на сайце агентства Белапан Архівавана 5 сакавіка 2016. // belapan.com
Максім Жбанкоў на сайце «Белинтеллектуалс» // belintellectuals.eu
Интервью Радио Свобода // www.svaboda.org
Максім Жбанкоў. «Культура сьмецьця» і «сьмецьце культуры» // Фрагмэнты
Максім Жбанкоў. І культура згоды, і культура супраціву аднолькава небяспечныя // euroradio.fm
Максим Жбанков. КУЛЬТ-ТУРЫ. Кварта арта Архівавана 4 сакавіка 2016. // np.by/
Алесь Пехціеў. Максім Жбанкоў: Неабходная дэнацыяналізацыя беларускага кіно Архівавана 5 сакавіка 2016. // udf.by
Сергей Пульша. Как пройти в Европу? Читайте между строк // naviny.by
Медыя і камунікацыя // ehu.lt
NO STYLE. Белкульт между Вудстоком и «Дажынкамi» // ehu.lt
Максім Жбанкоў: “Усё, што я рабіў у розных сфэрах, было шляхам да маёй уласнай свабоды // svaboda.org
Как белорусы понимают демократию // dw.com
«Дастиш фантастиш»: киноистерика на экране и в жизни Архівавана 22 красавіка 2010. // interfax.by
Відэаінтэрв’ю з Максімам Жбанковым у праграме «жизнь-малина»
На Вікісховішчы ёсць медыяфайлы па тэме Максім Расціслававіч Жбанкоў