Лысо́ўшчына[1] (трансліт.: Lysoŭščyna, руск.: Лысовщина) — вёска ў Пухавіцкім раёне Мінскай вобласці. Уваходзіць у склад Голацкага сельсавета.
Месціцца за 44 км на паўночны захад ад Мар’інай Горкі, 4 км ад чыгуначнай станцыі Міханавічы на лініі Мінск-Асіповічы.
На пачатку 20 ст. у Пярэжырскай воласці Ігуменскага павета Мінскай губерні. Побач з вёскай знаходзіўся фальварак Лысаўшчына.
У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.
25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.
У жніўні 1919 — ліпені 1920 вёска знаходзілася пад польскай уладай.
Пад час Другой сусветнай вайны з канца чэрвеня 1941 г. да пачатку ліпеня 1944 г. акупіравана нямецкімі войскамі.