Леапольд Кронекер (ням.: Leopold Kronecker; 7 снежня 1823, Лігніц, Германія, цяпер Лягніца, Польшча — 29 снежня 1891, Берлін, Германія) — нямецкі матэматык. Брат вядомага фізіёлага Гуга Кронекера (1830—1914). Нарадзіўся ў яўрэйскай сям’і, за год да смерці прыняў хрысціянства.
Замежны член-карэспандэнт Пецярбургскай Акадэміі навук (1872), член Берлінскай АН (1861), прафесар універсітэта ў Берліне. Асноўныя працы па алгебры і тэорыі лікаў, дзе ён працягнуў працы свайго настаўніка Э. Кумера па тэорыі квадратычным формаў і тэорыі груп. Вялікае значэнне маюць яго даследаванні па арыфметычнай тэорыі алгебраічных велічынь.