У гэтага паняцця ёсць і іншыя значэнні, гл. Кісліца (значэнні). Кісліца[3][4] (Óxalis) — род кветкавых траў, часам паўкустоў сямейства кіслічныя (Oxalidaceae).
Шматгадовыя, зрэдку аднагадовыя расліны з трайчастым або пальчатаскладаным лісцем. Кветкі рознага колеру, адзіночныя або ў парасонападобных і гронкападобных суквеццях. Плод — каробачка.
Больш за 800 відаў. На тэрыторыі Беларусі распаўсюджана кісліца звычайная (Oxalis acetosella) (народныя назвы: заечая капуста, квасок, баршчоўка).
Лісце кісліцы прыдатнае ў ежу, але ядавітае для жывёл. у лісці маецца шчаўевая кіслата. Некаторыя віды з Амерыкі і Афрыкі культывуюцца дзеля ядомых клубняў, у якасці лекавых і дэкаратыўных раслін.