У Вікіпедыі ёсць артыкулы пра іншых асоб з прозвішчам Шпрэнгель.
Курт Палікарп Іаахім Шпрэнгель (ням.: Kurt Polykarp Joachim Sprengel; 3 жніўня 1766, Больдэкаў — 15 сакавіка 1833, Гале, Саксонія-Анхальт) — нямецкі батанік, урач і філолаг. Дзякуючы бацьку-святару атрымаў добрую адукацыю. Валодаў не толькі латынню і грэчаскай, але і арабскай мовамі. Праславіўся галоўным чынам дзякуючы свайму ўнёску ў сучасную навуку, стымулюючы і заахвочваючы мікраскапічныя даследаванні тканак развітых раслін. Ён быў першым, хто ў сваёй працы Historia Rei Herbariae класіфікаваў апісаныя ў старажытных крыніцах расліны па сістэме Лінея. Шпрэнгель быў прафесарам універсітэта, а таксама дырэктарам батанічнага саду ў Гале. У яго гонар названа расліна Sprengelia з сямейства Верасовыя (лац.: Ericaceae).