Кацямятка[3][4] (Népeta) — род кветкавых раслін сямейства Ясноткавыя (Lamiaceae).
Большасць відаў — травяністыя шматгадовыя расліны, некаторыя — аднагадовыя. Сцябло прамое. Лісце ад зялёнага да шаравата-зялёнага, супраціўнае, простае, суцэльнае, зубчастае па краі.
Кветкі ў мутоўчатых суквеццях; вяночкі звычайна не больш за 10 мм даўжыні, белыя або сінія, радзей ружовыя ці бэзавыя. Чашачка трубчастая або цыліндрычная. Тычынак 4. Плод — чатырохарэшак.
Большая частка відаў расце ў Еўропе, Азіі і Афрыцы, некаторыя віды сустракаюцца ў Паўночнай Амерыцы. На тэрыторыі Беларусі — 1 дзікарослы від — кацямятка каціная або Каціная мята (Nepeta cataria).
Многія з відаў — эфіраалейныя, лекавыя, меданосныя і дэкаратыўныя расліны.