Не блытаць з грыбам Капытнік, або Свінуха Капытнік[3], або Кала[4] (Cálla) — род шматгадовых ценевынослівых водна-балотных або прыбярэжных травяністых раслін сямейства Ароідныя, або Ароннікавыя (Araceae). Род з’яўляецца адзіным прадстаўніком падсямейства Calloideae і ўключае толькі адзін від — капытнік балотны (Calla palustris).
Народныя назвы капытніка балотнага ўключаюць такія, як заяччы бабоўнік, какочнік[5], петушкі, пеўнікі[3], бобак, вахка, шалей[6], бабоўнік, гуска, жытніца, пятушкі[3][6][7], белакапытнік, какошнік[5], капялюшнік[6], мядзвежыя лапкі[6].
Расліна з кароткім узыходным сцяблом вышынёю да 30 см і паўзучым карэнішчам. Лісце шырокасэрцападобнае, доўгачаранковае, бліскучае. Кветкі без калякветніка, дробныя, двухполыя, у шчыльных катахах, абгорнутых белым пакрывалам. Плады — чырвоныя сакаўныя ягады, сабраныя ў суплоддзі.
Ядавіты, асабліва ягады і карэнішча.
Арэал — ад умераных да трапічных абласцей Паўночнага паўшар’я. На тэрыторыі Беларусі расце на балотах, у забалочаных чорнаальховых лясах.
Лекавая, дэкаратыўная і акварыумная расліна.