У Вікіпедыі ёсць артыкулы пра іншых асоб з прозвішчам Саннікаў.
Канстанцін Мікалаевіч Саннікаў (30 мая 1896 — 12 ліпеня 1965) — беларускі і савецкі рэжысёр, акцёр. Народны артыст БССР (1949). Лаўрэат двух Сталінскіх прэмій (1948, 1952). Член ВКП (б) з 1941 года. Дзед Андрэя Саннікава.
К. М. Саннікаў нарадзіўся 30 мая 1896 года ў Рагачове (Гомельская вобласць). Скончыў Рагачоўскае рэальнае вучылішча[2].
Пачаў сцэнічную дзейнасць у 1916 годзе. З 1926 года акцёр БелАДТ імя Я. Коласа ў Віцебску. З 1932 года кіраваў 3-м беларускім тэатрам. З 1937 года ў БелАДТ імя Я. Купалы, у 1948—1952 гадах — яго мастацкі кіраўнік. З 1947 года выкладаў у Беларускім тэатральна-мастацкім інстытуце (з 1960 года — прафесар).
К. М. Саннікаў памёр 12 ліпеня 1965 г. Пахаваны ў Мінску на Усходніх могілках.