Дзяніс Аляксандравіч Марціновіч
У Вікіпедыі ёсць артыкулы пра іншых асоб з прозвішчам Марціновіч. Дзяніс Аляксандравіч Марціновіч (нар. 8 жніўня 1986, Мінск, Беларусь) — беларускі гісторык, літаратурны і тэатральны крытык, журналіст.
Біяграфія
Нарадзіўся ў сям’і пісьменніка Алеся Марціновіча. Мае брата Ягора, журналіста. Вучыўся ў Нацыянальным гуманітарным ліцэі імя Якуба Коласа. Скончыў Ліцэй Беларускага дзяржаўнага ўніверсітэта (2004). Як пераможца рэспубліканскай алімпіяды па гісторыі быў залічаны без экзаменаў на гістарычны факультэт БДУ, які скончыў у 2009 годзе з чырвоным дыпломам. У 2010 годзе закончыў магістратуру, а ў 2013-м — аспірантуру БДУ па спецыялізацыі «ўсеагульная гісторыя». У 2015 годзе пад кіраўніцтвам прафесара Алега Яноўскага абараніў кандыдацкую дысертацыю на тэму «Становление советской высшей школы (1917 — середина 1930-х гг.)».
У 2010—2013 гадах з’яўляўся аглядальнікам газеты «Літаратура і мастацтва». З 2016 года — рэдактар партала TUT.BY.
Творчасць
Друкуецца з 1999 года. Піша на беларускай і рускай мовах.
Аўтар кніг:
- «Донжуанскі спіс» Караткевіча" (Мн.: «Чатыры чвэрці», 2012. — 114 с. — ISBN 978-985-7026-43-2)
- «Жанчыны ў жыцці Уладзіміра Караткевіча» (Мн.: «Чатыры чвэрці», 2014. — 178 с.: іл.; [2] л. укл. — ISBN 978-985-7058-53-2).
У іх даследуюцца асобы трынаццаці жанчын, якіх кахаў Уладзімір Караткевіч. Імёны некаторых з іх уведзены ў навуковы зварот упершыню.
Друкаваўся ў часопісах «Беларуская думка», «Бярозка», «Дзеяслоў», «Маладосць», «Мастацтва», «Нёман», «Полымя», «Роднае слова», газетах «Культура», «Літаратура і мастацтва», «Настаўніцкая газета» і іншых.
Прызнанне
- Чэмпіён Беларусі сярод школьнікаў па гульні «Брэйн-рынг» (у складзе каманды «Дурол»; 2004).
- Бронзавы прызёр чэмпіяната Беларусі сярод школьнікаў па гульні «Што? Дзе? Калі?» (у складзе каманды «Дурол»; 2004).
- Сябра Саюза пісьменнікаў Беларусі (з 2012 года).
- Кандыдат гістарычных навук (2015).
- Лонг-ліст прэміі імя Аляксандра і Марыі Стагановічаў за кнігу «Жанчыны ў жыцці Уладзіміра Караткевіча» (2015)
- «Нацыянальная літаратурная прэмія» ў намінацыі «Лепшы твор літаратурнай крытыкі і літаратуразнаўства» за кнігу «Жанчыны ў жыцці Ўладзіміра Караткевіча» (2015)[1][2].
Зноскі
- ↑ Яна Багданава 6 авторов получили Первую национальную литературную премию(руск.) . СБ. Беларусь сегодня (6 верасня 2015). Праверана 6 верасня 2015.
- ↑ Аўтар «Нашай Нівы» стаў уладальнікам Першай нацыянальнай літаратурнай прэміі(нявызн.). Наша Ніва (6 верасня 2015). Праверана 7 верасня 2015.
Літаратура
- Афанасьеў Ф. «Донжуанскі спіс» Караткевіча раскрыты! // Культура. 2012. 26 мая. № 21. С. 14.
- Бязлепкіна А. Літаратуразнаўства і донжуанства// Звязда. 2012. 6 чэрвеня. № 106. С. 6.
- Карп А. Тактоўная правакацыя, або Ціхае архіўнае паляванне// Літаратура і мастацтва. 2012. 8 чэрвеня. № 23. С. 20.
- Рублевская Л. Короткевич был настоящим романтиком // Беларусь сегодня. 2012. 7 июня. № 104. С. 12.
Спасылкі
 |
Дзяніс Аляксандравіч Марціновіч на Вікісховішчы |
|---|
- Блог Дзяніса Марціновіча
- Дзяніс Марціновіч на сайце «Беларускія акцёры тэатра і кіно» Архівавана 19 лістапада 2011.
- Дзяніс Марціновіч на партале «Arche.by» Архівавана 29 мая 2012.
Выпускнікі Ліцэя БДУ
Літаратуразнаўцы Беларусі
Кандыдаты гістарычных навук
Вікіпедыя:Спасылка на Вікісховішча непасрэдна ў артыкуле
Асобы
Нарадзіліся ў Мінску
Вікіпедыя:Артыкулы з пераазначэннем значэння з Вікідадзеных
Вікіпедыя:Артыкулы пра асоб, для якіх не існуюць старонкі віду «І. Прозвішча»
Гісторыкі Беларусі
Вучоныя паводле алфавіта
Вікіпедыя:Біяграфіі сучаснікаў
Выпускнікі гістарычнага факультэта БДУ
Старонкі з няправільным сінтаксісам спасылак на крыніцы
Супрацоўнікі газеты «Літаратура і мастацтва»
Лаўрэаты Нацыянальнай літаратурнай прэміі Беларусі
Выпускнікі Беларускага гуманітарнага ліцэя імя Якуба Коласа
Нарадзіліся 8 жніўня
Нарадзіліся ў 1986 годзе
Журналісты Беларусі
Вікіпедыя:Артыкулы пра асоб, для якіх не існуюць старонкі віду «І. Іпб. Прозвішча»
Тэатральныя крытыкі Беларусі