Фюрт (ням.: Fürth) — горад у Германіі, у зямлі Баварыя. Насельніцтва — каля 114 тыс. чалавек.
Першае пасяленне ў месцы зліцця рэк Пегніц і Рэдніц з’явілася каля 800 г. Першае згадванне пра горад Фюрт — 1007 г., калі імператар Генрых II дараваў яго ў валоданне епіскапу Бамбергскаму. Падчас Трыццацігадовай вайны Фюрт быў практычна цалкам разбураны.
У 1632 г. Густаў-Адольф размясціў сваю галоўную кватэру ў Фюрце; у 1634 г. горад спалены харватамі. У 1792 Фюрт перайшоў да Прусіі, якая моцна спрыяла развіццю прамысловасці тагачаснага мястэчка; у 1806 г. Фюрт перайшоў да Баварыі і атрымаў у 1818 г. гарадское кіраванне.
Падчас вайны горад застаўся адным з нешматлікіх гарадоў Германіі, якія захавалі гістарычныя будынкі амаль у поўным аб’ёме.
У 2007 г. горад святкаваў 1000-летні юбілей.
У Баварыі Фюрт мае найбольшую «шчыльнасць помнікаў».
|
|
|