Двор-Са́вічы[1] (трансліт.: Dvor-Savičy, руск.: Двор-Савичи) — вёска ў Брагінскім раёне Гомельскай вобласці. Уваходзіць у склад Чамярыскага сельсавета.
Да 1 снежня 2009 года вёска ўваходзіла ў склад Хракавіцкага сельсавета[2].
Транспартныя сувязі па прасёлкавай, затым аўтадарозе Камарын — Брагін.
У 18 км на паўднёвы ўсход ад Брагіна, 46 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 137 км ад Гомеля.
Планоўка складаецца з амаль прасталінейнай шыротнай вуліцы, забудаванай пераважна двухбакова, драўлянымі хатамі сядзібнага тыпу.
Заснаваны напачатку XX стагоддзя. У 1931 годзе арганізаваны калгас. Мясцуецца НДІ радыяцыі «Двор-Савічы» і эксперыментальная база НДІ сельскай гаспадаркі.