wd wp Пошук: ⬜

Гаўрыла Андрэевіч Сарычаў

У Вікіпедыі ёсць артыкулы пра іншых асоб з прозвішчам Сарычаў. Гаўрыла Андрэевіч Са́рычаў[3] (1763 — 11 жніўня 1831) — расійскі мараплавец, географ, гідрограф. Адмірал (1829). Ганаровы член Санкт-Пецярбургскай акадэміі навук (1809).

Біяграфія

У 1781 годзе скончыў Марскі корпус. Праходзіў службу на Балтыйскім і Міжземным морах. У 1784 годзе праводзіў гідраграфічныя даследаванні на рэках Дняпро і Сож [3]. У 1785—1794 гадах прымаў удзел у экспедыцыі І. І. Білінгса(руск.) бел. у паўночна-ўсходняй частцы Сібіры, паўночнай частцы Ціхага акіяна. Даследаваў і нанёс на карту ўзбярэжжа Ахоцкага мора ад пасёлка Ахоцк да вусця ракі Алдома, астравы Прыбылова, Дыяміда, Святога Лаўрэнція, Святога Мацвея, усходні бераг Берынгава праліва, мыс Аляска. У 1799—1800 гг. камандаваў караблём «Масква»[4]. У 1802—1817 гг. праводзіў гідраграфічныя даследаванні па складанню марскіх карт, атласа і лоцый Балтыйскага мора і Фінскага заліва. У 1802—1806 гг. узначальваў Балтыйскую гідраграфічную экспедыцыю. У 1808 годзе ў якасці генерал-гідрографа ўзначаліў рускую гідраграфію[4]. З 1827 года галоўны камандзір Кранштацкага порта [4].

Навуковыя працы

Сярод апублікаваных работ Г. А. Сарычава:

Путешествие флота капитана Сарычева по северо-восточной части Сибири, Ледовитому морю и Восточному океану, ч. 1—2. — СПБ, 1802;
Правила, принадлежащие к морской геодезии — СПБ, 1804;
Путешествие капитана Биллингса чрез Чукотскую землю от Берингова пролива до Нижнеколымского острога и плавание капитана Галла… — СПБ, 1811;
Морской Атлас всего Балтийского моря с Финским заливом и Категатом — СПБ, 1812

і інш.

Памяць

У гонар Г. А. Сарычава названы праліў паміж астравамі Святога Мацвея і Гала, пік на Алеуцкіх астравах, вулкан і пасёлак на востраве Матуа (Курыльскія астравы), сопка на Новай Зямлі, востраў у Чукоцкім моры каля ўзбярэжжа Паўночнай Амерыкі і іншыя геаграфічныя аб’екты[4].

Зноскі

1 2 Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #172353629 // Агульны нарматыўны кантроль — 2012—2016. Праверана 17 кастрычніка 2015.
1 2 Swartz A. Gavriil Andreevich Sarychev // Open Library — 2007. Праверана 9 кастрычніка 2017.
1 2 БелЭн, 2002
1 2 3 4 Сарычев Гавриил Андреевич(недаступная спасылка) // Российский гуманитарный энциклопедический словарь: В 3 т. — М.: Гуманит. изд. центр ВЛАДОС: Филол. фак. С.-Петерб. гос. ун-та, 2002. (руск.)

Літаратура

Сарычаў Гаўрыла Андрэевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 188. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.
Сарычев Гавриил Андреевич // Вялікая савецкая энцыклапедыя (руск.)
Сарычев Гавриил Андреевич // Российский гуманитарный энциклопедический словарь: В 3 т. — М.: Гуманит. изд. центр ВЛАДОС: Филол. фак. С.-Петерб. гос. ун-та, 2002. (руск.)