Вялікі Качскі Ран
.jpg)
Вялікі Качскі Ран (гудж.: કચ્છનું મોટું રણ) — найбуйнейшы саланчак у Паўднёвай Азіі. Разам з Малым Ранам складае мясцовасць Качскі Ран. Знаходзіцца на мяжы індыйскага штата Гуджарат і пакістанскай правінцыі Сінд. Агульная плошча — 7 500 км².
Вялікі Ран пачаў фарміравацца ў позні Юрскі перыяд як частка плыткаводдзя Аравійскага мора. Аднак у выніку некалькіх тэктанічных зрухаў апынуўся адарваным. Сучасныя глеістыя і саляныя адклады назапашваліся ўжо ў эпоху галацэна. Археолагі сцвярджаюць, што яшчэ некалькі тысяч гадоў таму Вялікі Ран мог з’яўляцца залівам і быць суднаходным. З 4 тысячагоддзя да н. э. на яго берагах сяліліся прадстаўнікі Індскай цывілізацыі. Сведчаннем гэтага з’яўляецца знаходка старажытнага паселішча Дхалавіра.
Большую частку года дно Вялікага Рана ўяўляе сабою саляную пустыню. У сезон мусонаў яна напаўняецца вадою ад дажджоў і сцёкаў рэк. Вада змешваецца з адкладаннямі, а таму становіцца салёнай, утрымоўвае значную колькасць брому. Над паверхняй застаюцца гліняныя ўзвышшы і выдмы. Для навакольнай флоры характэрны зёлкавыя і ксерафіты. Фаўна прадстаўлена шматлікімі птушкамі, аленямі, каракаламі, ваўкамі і г. д.
Насельнікі берагоў Вялікага Рана займаюцца сельскай гаспадаркай і здабычай солі. Развіваецца турызм.
Спасылкі
Тэмы гэтай старонкі (4):Катэгорыя·Геаграфія Гуджарата
Катэгорыя·Сінд
Катэгорыя·Саланчакі
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96