Галіт
Галі́т, каменная соль — мінерал, хларыд натрыю, NaCl.
Апісанне
Складаецца з кубічных, радзей актаэдрычных крышталёў. Бясколерны, празрысты, можа мець розныя адценні з-за прымесей. Цвёрдасць 2 па шкале Моаса, шчыльнасць 2,2 г/см³. Крохкі, лёгка раствараецца ў вадзе, мае салёны смак.
Паходжанне і радовішчы
Утвараецца пераважна асадкавым шляхам: крышталізуецца з марской вады ў лагунах і рэліктавых азёрах, якія перасыхаюць. Карысны выкапень. Радовішчы: у асадкавых горных пародах, самасадная соль сучасных азёр, саляныя крыніцы.
Найбольшыя радовішчы каменнай солі маюць Украіна, Расія, ЗША, Германія.
На тэрыторыі Беларусі прамысловыя паклады вядомы на Прыпяцкім прагіне. Мазырскае радовішча ў Гомельскай вобласці распрацоўваецца. Са здабытай сыравіны вырабляюць кухонную соль у горадзе Мазыр.
Выкарыстанне
Каменная соль выкарыстоўваецца ў харчовай, тэкстыльнай, фармацэўтычнай, хімічнай прамысловасці, халадзільнай справе, вытворчасці пластмас і інш.
Спасылкі
-
Галит // Каталог Минералов(руск.)
-
На Вікісховішчы ёсць медыяфайлы па тэме Галіт
Катэгорыя·Мінералы
Катэгорыя·Карысныя выкапні
Катэгорыя·Мінералы натрыю
Катэгорыя·Галагеніды (мінералы)