Вестэрнізацыя
Вестэрнізацыя (англ.: Western — заходні) — перанакіраванне развіцця грамадства на ўзор культуры краін Захаду, што прадугледжвае засваенне заходніх ладу жыцця(англ.) бел. і моды, каштоўнасцей маралі і этыкі, стэрэатыпаў мыслення і паводзінаў. Найчасцей пераймаюцца верацярпімасць(польск.) бел., народаўладдзе, міжэтнічная цярпімасць(англ.) бел., свабода звестак і творчасці, эканамічны лібералізм. Звычайна праводзіцца кіраўніцтвам дзяржаваў: Вялікае Княства Літоўскае ў 16—18 ст., Маскоўскае царства на пачатку 18 ст., Японская імперыя ў другой палове 19 ст. — 20 ст. Часам выклікае супраціўленне чыноўнікаў (Мусульманскі свет(ар.) бел., СССР), веравызнавальных супольнасцей, народнасцей і саслоўяў. У краінах, якія здабылі незалежнасць пры распадзе СССР у 1991 г., ператварылася ў амерыканізаванне(англ.) бел.. Асноўнымі рэчышчамі ажыццяўлення служаць заходнія сродкі масавай інфармацыі (перыёдыка, радыё, Сеціва, тэлебачанне), міжасабовыя і міжурадавыя зносіны з краінамі Захаду, распаўсюджанне заходніх культурных артэфактаў (адзенне, відэакасета, камп’ютарная праграма, кніга, фільм)[1].
Гл. таксама
Зноскі
- ↑ Эдуард Дубянецкі. Вестэрнізацыя // Культуралогія / маст. Алег Глекаў, рэд. Генадзь Маслыка. — Мінск: Беларуская энцыклапедыя імя Петруся Броўкі, 2003. — С. 68-69. — 384 с. — 3 000 экз. — ISBN 985-11-0277-6.
Спасылкі
- Сяргей Кізіма. Вестэрнізацыя як выклік // Звязда : газета. — 9 кастрычніка 2012. — № 195 (27310). — С. 2. — ISSN 1990-763x.
Катэгорыя·Сферы культурнага ўплыву
Катэгорыя·Культурная геаграфія
Катэгорыя·Культурная антрапалогія
Катэгорыя·Глабалізацыйныя праблемы
Катэгорыя·Вікіпедыя·Запыты на пераклад з польскай
Катэгорыя·Глабалізацыя
Катэгорыя·Соцыякультурная эвалюцыя
Катэгорыя·Культурная асіміляцыя
Катэгорыя·Культуралогія
Катэгорыя·Заходняя культура