Абзялі́лаўскі раён (руск.: Абзелиловский район; башк.: Әбйәлил районы) — адміністрацыйна-тэрытарыяльная адзінка на паўднёвым усходзе Башкартастана ў Расіі. Адміністрацыйным цэнтрам з’яўляецца сяло Аскарава.
Абзялілаўскі раён мяжуе з Баймацкім, Бурзянскім, Беларэцкім і Учалінскім раёнамі, а таксама з Чалябінскай вобласцю. Плошча раёна складае 4289 км².
Абзялілаўскі раён быў утвораны 20 жніўня 1930 года ў адпаведнасці з пастановай УЦВК.
Насельніцтва раёна станам на 2017 год складала 44962 чалавекі. Паводле перапісу 2010 года большасць складаюць башкіры (88,6 %), далей ідуць рускія (8,6 %) і татары (1,6 %).