Брэ́мен (ням.: Bremen) — горад на поўначы Германіі. Насельніцтва 549 тыс. чал. (2001).
Першыя паселішчы на Везэры ўзніклі паміж I і VIII стагоддзямі. Ужо ў 150 годзе александрыйскі географ Клаўдзій Пталемей згадвае адно з такіх паселішчаў пад імем Fabiranum (у іншым варыянце Phabiranum).
Горад Брэмен быў заснаваны ў 787 годзе Карлам Вялікім у якасці біскупскай рэзідэнцыі. Росквіт горада пачаўся з 845 года, калі ён знаходзіўся пад кіраваннем архібіскупа Адальберта.
У 1186 годзе Брэмен атрымаў ад германскага караля Фрыдрыха І Барбаросы гарадскія правы. У 1260 горад далучаецца да Ганзейскага саюза. Імклівае эканамічнае развіццё дазваляе Брэмену выйсці з пад улады архібіскупа і стаць свабодным горадам. Сімваламі гэтай свабоды сталі ўзведзеныя на галоўнай плошчы Роланд (1404) і будынак ратушы (1409).
З 1646 года вольны імперскі горад. У 1815—1933 вольны горад.
У Другую сусветную вайну база ВМФ нацысцкай Германіі, разбураны.
З 1949 года цэнтр аднайменнай зямлі ФРГ.
Буйны марскі порт на р. Везер за 130 км ад яе радзення ў Паўночнае мора.