Беліцк[2] (трансліт.: Bielick, руск.: Белицк) — пасёлак у Рагачоўскім раёне Гомельскай вобласці Беларусі. За 28 км ад Рагачова, 80 км ад Гомеля, 14 км ад чыгуначнай станцыі Салтанаўка на лініі Жлобін—Гомель. Уваходзіць у склад Стаўпнянскага сельсавета. Насельніцтва 463 чал. (2011)[1].
Утвораны 12 студзеня 1960 года з пасёлка торфапрадпрыемства «Беліцкае»[3], які існаваў з 1948 года.
У 2009 годзе Беліцк быў уключаны ў склад Стаўпнянскага сельсавета[4]. У 2011 годзе быў пераўтвораны з гарадскога пасёлка ў сельскі населены пункт — пасёлак[5].
Сярэдняя школа, клуб, бібліятэка, аддзяленне сувязі. У Беліцку торфапрадпрыемства. Брацкая магіла савецкіх воінаў і партызан.