Алкагалізм — наркатычная залежнасць, якая характарызуецца хваравітай цягай да ўжывання алкагольных напояў (псіхічная і фізічная залежнасць) і алкагольным (хімічным) пашкоджаннем унутраных органаў. Пры алкагалізме адбываецца дэградацыя чалавека як асобы; страта ўнутранага «Я».
Хваробай паражаюцца галаўны мозг (амнезія, галюцыноз, дэпрэсія, псіхоз, энцэфалапатыя(англ.) бел. і эпілепсія), кроў (малакроўе), нервы (полінеўрапатыя(англ.) бел.), падстраўнікавая залоза (панкрэатыт), печань (жаўтуха, тлушчавая дыстрафія і цыроз), скура (язва), страўнік (гастрыт), сэрца (інфаркт і міякардыядыстрафія(англ.) бел.) і яечкі (імпатэнцыя)[1].
На 16 красавіка 2013 г. у Беларусі на адмысловым уліку стаяла каля 270 тысяч залежных ад алкаголю людзей[2].