wd wp Пошук: ⬜

Святлана Сяргееўна Лабада

У Вікіпедыі ёсць артыкулы пра іншых асоб з прозвішчам Лабада. Святла́на Сярге́еўна Лабада́ (укр.: Світла́на Сергі́ївна Лобода́), таксама вядомая як LOBODA (нар. 18 кастрычніка 1982 года, Кіеў, УССР, СССР) — украінская спявачка, вядучая, аўтарка песень, дызайнер. Заслужаная артыстка Украіны (2013)[2].

Стваральніца ўласнай маркі адзення «F*ck’n’ macho», былая салістка групы «ВІА Гра» (2004).

Біяграфія

Нарадзілася 18 кастрычніка 1982 года ў Кіеве ў сям’і Сяргея Васілевіча Лабады і Наталлі Васілеўны Лабады. Скончыла музычную школу па класе фартэпіяна, дырыжыравання і акадэмічнага вакалу[3].

Пасля атрымання першай музычнай адукацыі паступіла ў Кіеўскую эстрадна-цыркавую акадэмію на аддзяленне эстраднага вакалу. У гэты перыяд становіцца ўдзельніцай папулярнага музычнага калектыву «Капучына», прадзюсарам якога з’яўляўся Віктар Дарашэнка.

Пасля працы ў групе Лабада ўдзельнічала ў першым украінскім мюзікле «Экватар» (рэж. Віктар Шулакоў), дзе атрымала адну з галоўных роляў — дзікункі Міраны[4]. У перыяд існавання мюзікла ў шырокую ратацыю былі выпушчаны песня і відэаролік — «Чёрный ангел», запісаныя і знятыя са Святланай Лабадой.

2004—2009

У снежні 2004 года Святлана Лабада сумесна з Тарасам Дземчуком запісала кампазіцыю «Чёрно-белая зима». Гэтая кампазіцыя выклікае вялікую цікавасць як ва Украіне, так і за яе межамі. Відэа на песню актыўна ратыравалася на ўкраінскіх і расійскіх тэлеканалах. У 2005 годзе кліп на наступны сінгл «Я забуду тебя» атрымаў першую прэмію на фестывалі замежных кліпаў у Партугаліі.

У 2006 годзе выйшаў кліп, а затым і сінгл «Чёрный ангел», а пасля паездкі ў Японію Лабада запісала кампазіцыю «Постой, мущина». У гэтым жа годзе вяла праграму «Шоумания» на «Новым канале», а ў 2007 годзе стала вядучай праекта «Міс СНД» на тэлеканале «ТЕТ». Адкрыла ўласнае турыстычнае агенцтва «Happy Vacations». У кастрычніку 2007 года выйшаў кліп на лірычную песню «Счастье».

У 2008 годзе пачалося стварэнне калекцыі маладзёжнага адзення «F*ck the macho», у тым жа годзе выходзіць другі альбом — «Не мачо». 18 кастрычніка Святлана Лабада стала лаўрэатам прэміі «Нацыянальны Алімп» у намінацыі «Арыгінальны стыль выканання». У 2009 годзе выйшла другая лінія адзення ад Лабады.

Еўрабачанне 2009

Вясной 2009 года сінгл «Be My Valentine» быў прадстаўлены для ўдзелу ва ўкраінскім адборачным туры песеннага конкурсу «Еўрабачанне 2009». 8 сакавіка Лабада перамагла ў адборачным конкурсе «Еўрабачанне 2009» і заслужыла права прадстаўляць Украіну ў фінальнай частцы конкурсу. 18 сакавіка прэзентавала кліп Be My Valentine (Anti-crisis girl!).

На цырымоніі адкрыцця «Еўрабачання 2009» спявачка з’явілася ў бінтах і з ранамі на целе. Гэта быў грым, закліканы прыцягнуць увагу да сацыяльнай акцыі Лабады — «Скажы стоп гвалту ў сям’і», заснаванай на барацьбе з хатнім гвалтам. Пасля да гэтай акцыі далучылася французская спявачка Патрысія Каас [5]. На конкурсе заняла 12-е месца ў фінале.

У студзені 2010 года выйшаў відэакліп на песню «Жить легко», дзе Лабада паўстае 100-кілаграмовай таўстушкай, якой яна стала пасля правалу на Еўрабачанні. Услед за «Жить легко» Лабада запісала дуэтную песню «Сердце бьётся» з фабрыкантам Максам Барскіх, а неўзабаве выйшаў відэакліп, які стаў найдарожчым у гісторыі ўкраінскага шоў-бізнесу.

LOBODA

У 2010 годзе Святлана Лабада афіцыйна перайменавала свой музычны праект і зарэгістравала брэнд і гандлёвую марку «LOBODA».

На пачатку 2012 года Лабада адправілася ў ЗША, дзе працавала, сумяшчаючы запіс у студыях, майстар-класы па вакале і харэаграфіі. Зняла кліп на новы сінгл «Облака».

12 красавіка 2012 года ў Crystal Hall LOBODA прадставіла LIVE SHOW «Начало», з якім амаль год гастралявала па Украіне. У чэрвені выйшла новае відэа на песню «What about U», запісаную адмыслова для чэмпіянату EURO 2012.

У 2012 годзе LOBODA стала трэнерам у талент-шоу «Голас. Дзеці» на канале 1+1 [6]. У лютым 2013 года прадставіла новы сінгл «Нежность». 17 сакавіка 2013 года на тэлеканале «Інтэр» адбылася прэмія «Yuna», у ходзе якой спявачка прадставіла свой новы сінгл пад назвай «Под лёд».

У канцы чэрвеня 2013 года Лабадзе было прысвоена ганаровае званне «Заслужаны артыст Украіны».

25 кастрычніка 2013 года LOBODA прадставіла новы сінгл пад назвай «Город под запретом». 1 лістапада 2013 года выпусціла сінгл «Кохана» — першую працу на ўкраінскай мове.

26 снежня 2014 года Святлана Лабада атрымлівае прэмію «Песня года-2014» за свой сінгл «Город под запретом»[7]. 31 снежня 2014 года прайшлі два сольных канцэрты ў Кіеве: у клубе TSARSKY і ў вялікім канцэрт-холе Stereo Plaza. Акрамя ўжо вядомых песень са сцэны ўпершыню прагучалі прэм’ерныя песні «Пора домой» і «Не нужна»[8].

26 сакавіка 2015 года ў Палацы Украіны адбылася цырымонія ўзнагароджання прэміямі YUNA 2015, дзе LOBODA і Emin атрымалі перамогу ў намінацыі «Найлепшы дуэт» за іх сумеснае тварэнне «Смотришь в небо»[9][10].

8 верасня 2015 года LOBODA прадставіла арыгінальны кавер на песню Кузьмы Скрабіна «Нікому те не треба»[11]. 4 лістапада 2015 года LOBODA адпраўляецца ў тур па гарадах Украіны са сваім новым шоў «Пора домой». Падчас тура прадставіла новыя песні «К чёрту любовь», «Ангелок», «Твои глаза» і «Не люби»[12].

11 студзеня 2016 года Лабада прадставіла правакацыйную кампазіцыю пра жаночае каханне «К чёрту любовь»[13], а 19 лютага 2016 года адбылася прэм’ера відэакліпа[14].

9 мая 2016 года адкрыла канцэрт тэлеканала «Інтэр», прысвечаны 71-ай гадавіне Перамогі ў Вялікай Айчыннай вайне, выканаўшы песню Булата Акуджавы «Десятый наш десантный батальон». Закрыла канцэрт ваеннай песняй «Журавли»[15][16].

30 чэрвеня 2016 года Аргкамітэт міжнароднага конкурсу «Міс Украіна-Сусвет 2016» афіцыйна прызнаў LOBODA самай яркай прадстаўніцай музычнай індустрыі і ўзнагародзіў тытулам «Самая прыгожая спявачка краіны»[17].

6 верасня 2016 года адбылася прэм’ера сінгла «Твои глаза»[18], а 9 лістапада 2016 года — прэм’ера відэакліпа[19]. Сінгл 5 тыдняў утрымліваў лідарства ў iTunes краін СНД [20].

19 лістапада 2016 года атрымала статуэтку «Залатога Грамафона» ў Маскве за песню «К чёрту любовь»[21].

8 сакавіка 2017 года LOBODA зладзіла трохгадзіннае шоу ў кіеўскім Палацы спорту і прадставіла новы альбом «H2Lo», над якім працавала пяць гадоў. У сваёй новай праграме артыстка спалучала як ужо вядомыя трэкі, так і новыя песні. У гэты вечар прагучалі сем новых сінглаў: «Париж», «Невеста», «Случайная», «Стерва» і іншыя[22].

Сям’я

Дзядуля — Васіль Лабада працаваў у міліцыі, потым у КДБ, ён шмат ездзіў па свеце па справах службы, у 1958 годзе жыў больш за паўгады на Кубе. У той час Фідэль Кастра і Чэ Гевара рыхтавалі рэвалюцыю, ён жыў у джунглях і дапамагаў распрацоўваць планы звяржэння кубінскага дыктатара Фульхенсіа Батысты, дзядуля памёр, калі Святлана была маленькай[23].
Бабуля — Людміла Лабада — оперная спявачка.
- Бацька — Сяргей Васільевіч Лабада (нар. 1957) — узначальвае перонную службу на авіязаводзе.
- Маці — Наталля Васільеўна Лабада (нар. 1957) — працуе ў Кіеве спецыялістам па энергазберажэнні.
  - Малодшая сястра — Ксенія Сяргееўна Лабада (нар. 1992)
  - Былы фактычны муж — Андрэй Пятровіч Цар (прозвішча пры нараджэнні укр.: Онищак) (нар. 18 верасня 1987 года, Львоў)[24][25][26] — танцор, харэограф, працаваў з балетам Святланы Лабады і балетам Freedom, дыджэй і спявак[27][28][29][30]. 1 кастрычніка 2014 года спявачка афіцыйна заявіла пра тое, што разлучылася з грамадзянскім мужам Андрэем Царом.
    - Дачка — Евангеліна Андрэеўна Цар (нар. 9 красавіка 2011 года). 22 верасня 2015 года спявачка ўпершыню паказала дачку грамадскасці[31].

Творчасць

Альбомы

Назва	Інфармацыя
Ты не забудешь	Рэліз: 25 верасня 2005 Лэйбл: S&A music group, Ukrainian records, Moon Records Фармат: CD, лічбавая дыстрыбуцыя
Не Ма4о	Рэліз: 15 красавіка 2008 Лэйбл: S&A music group, Moon Records Фармат: CD, лічбавая дыстрыбуцыя
H2LO	Рэліз: 24 сакавіка 2017 Лэйбл: Sony Music Entertainment Фармат: CD, лічбавая дыстрыбуцыя

Зборнікі

Назва	Інфармацыя
Anti-Crisis Girl	Рэліз: 17 мая 2009 Лэйбл: S&A music group, Moon Records Фармат: CD, лічбавая дыстрыбуцыя

Альбомы рэміксаў

Назва	Інфармацыя
Чёрный Ангел	Рэліз: 19 мая 2006 Лэйбл: S&A music group, Moon Records Фармат: CD, лічбавая дыстрыбуцыя
Постой, Мущина!	Рэліз: 18 лістапада 2006 Лэйбл: S&A music group, Moon Records Фармат: CD, лічбавая дыстрыбуцыя

У складзе групы «ВІА Гра»

Год	Кліп	Рэжысёр
2004	Біялогія	Сямён Гораў

Сольныя кліпы

Год	Кліп	Рэжысёр
2004	«Чёрно-белая зима»	Алан Бадоеў
2005	«Я забуду тебя»
2005	«Ты не забудешь»
2006	«Чёрный ангел»	Аляксандр і Ігар Сцекаленка
2006	«Постой, мущина!»	Алан Бадоеў
2007	«Мишка, гадкий мальчишка»	Алан Бадоеў
2007	«Счастье»	Міхаіл Сегал
2008	«Не мачо»	Алан Бадоеў
	«За что»
	«By Your Side» (feat. DJ Lutique)
2009	«Be My Valentine (Anti-Crisis Girl)»
2010	«Жить легко»
	«Сердце бьётся» (feat. Макс Барскіх)
	«Революция»
2011	«Спасибо»	Яўген Цімохін
2011	«На свете»	Алан Бадоеў
2012	«Облака»	Уладзімір Шклярэўскі
	«What about U»	Святлана Лабада
	«40 градусов (Нравится)»	Уладзімір Шклярэўскі
2013	«Под лёд»	Уладзімір Шклярэўскі
	«Под лёд (Remake)»	Кадзім Тарасаў
	«Кохана»	Натэла Крапівіна
	«Город под запретом» (канцэртная версія)	Святлана Лабада
2014	«Город под запретом»	Duet Drelles
2014	«Смотришь в небо» (feat. Эмін)	Натэла Крапівіна
2015	«Не нужна»
	«Пора домой»
	«Облиш»
2016	«К чёрту любовь»
2016	«Твои глаза»
2017	«Случайная»

Зноскі

1 2 Person Profile // Internet Movie Database — 1990. Праверана 15 сакавіка 2021.
↑ УКАЗ ПРЕЗИДЕНТА УКРАИНЫ № 355/2013 О награждении государственными наградами Украины по случаю Дня Конституции Украины
↑ Светлана Лобода(руск.) . hochu.ua. Праверана 28 сакавіка 2017.
↑ Исполнитель(нявызн.) (недаступная спасылка). Russkoje Radio Baltija. Архівавана з першакрыніцы 28 сакавіка 2017. Праверана 28 сакавіка 2017.
↑ Кто избил фаворитку «Евровидения» (руск.)
↑ Лобода стала звёздным тренером шоу «Голос» Архівавана 23 лютага 2014.
↑ Премию «Песня года 2014» получили Лобода, Лорак и Ротару(нявызн.).
↑ LOBODA отметила Новый год вместе с фанатами(нявызн.) (недаступная спасылка) (5 января 2015). Архівавана з першакрыніцы 20 лютага 2015. Праверана 21 ліпеня 2017.
↑ Номінанти Національної музичної премії «YUNA – 2014»(нявызн.).
↑ Переможці Національної музичної премії «YUNA – 2015»(нявызн.).
↑ LOBODA — Нікому то не треба(нявызн.). SoundCloud. Праверана 9 верасня 2015.
↑ Светлана Лобода. Единственный официальный сайт(нявызн.) (недаступная спасылка). loboda.com. Архівавана з першакрыніцы 20 лістапада 2015. Праверана 19 лістапада 2015.
↑ Светлана Лобода. Единственный официальный сайт(нявызн.) (недаступная спасылка). loboda.com. Архівавана з першакрыніцы 10 сакавіка 2016. Праверана 9 сакавіка 2016.
↑ LOBODA LOBODA — К ЧЕРТУ ЛЮБОВЬ (ПРЕМЬЕРА КЛИПА)(нявызн.) (19 лютага 2016). Праверана 9 сакавіка 2016.
↑ LOBODA LOBODA - Десятый наш десантный батальон (Концерт «Победа. Одна на всех», ИНТЕР)(нявызн.) (10 мая 2016). Праверана 4 чэрвеня 2016.
↑ LOBODA LOBODA — Журавли (Концерт «Победа. Одна на всех», ИНТЕР)(нявызн.) (10 мая 2016). Праверана 4 чэрвеня 2016.
↑ Светлана Лобода. Единственный официальный сайт(нявызн.) (недаступная спасылка). loboda.com. Архівавана з першакрыніцы 4 лістапада 2016. Праверана 9 лістапада 2016.
↑ LOBODA [LOBODA — Твои глаза AUDIO](нявызн.) (6 верасня 2016). Праверана 9 лістапада 2016.
↑ LOBODA [LOBODA — Твои Глаза Премьера Клипа](нявызн.) (8 лістапада 2016). Праверана 9 лістапада 2016.
↑ Светлана Лобода. Единственный официальный сайт(нявызн.) (недаступная спасылка). loboda.com. Архівавана з першакрыніцы 10 лістапада 2016. Праверана 9 лістапада 2016.
↑ Церемония вручения премии «Золотой граммофон-2016»
↑ Светлана Лобода устроила «Космическое» шоу в рамках презентации нового альбома(нявызн.). Интернет-журнал #БУКВЫ (10 сакавіка 2017).
↑ Дед Лободы готовил революцию с Че Геварой, а Пьеху внук зовет «бабон» / Новости Украины / Кем были дедушки и бабушки известных политиков.
↑ Andrey Tsar
↑ Царь Андрей Петрович | Правда ПФО Архівавана 15 ліпеня 2017.
↑ Лобода даст ребенку фамилию отца — glamurchik.tochka.net
↑ TSAR project | Free Listening on SoundCloud
↑ STARS @ GLAVRED — Светлана Лобода родила Андрею Царю дочь.
↑ Лобода влюбилась в Царя — БЛИК
↑ LOBODA: «Мы с Андреем не пережили кризис пяти лет»(нявызн.) (недаступная спасылка). Архівавана з першакрыніцы 6 кастрычніка 2014. Праверана 21 ліпеня 2017.
↑ Светлана Лобода. Единственный официальный сайт(нявызн.) (недаступная спасылка). www.loboda.com. Архівавана з першакрыніцы 15 лістапада 2016. Праверана 16 кастрычніка 2015.

Спасылкі

loboda.com — афіцыйны сайт Светланы Лободы
Біяграфія на loboda.com Архівавана 30 верасня 2011.
Святлана Лабада: А хто такі Бандэра?(руск.) — чат з чытачамі сайта Korrespondent.net
Святлана Лабада ў госцях у Каці Гардон
Святлана Лабада(недаступная спасылка) ў праграме «Глядзіце, хто прыйшоў»