Пакруойіс (літ.: Pakruojis, традыцыйная беларуская назва — Пакро́й) — горад у паўночнай Літве на рацэ Круоя. Недалёка ад Пакруойіса на рацэ знаходзіцца дамба. Пакруойіс з’яўляецца адміністрацыйным цэнтрам Пакруойіскага раёна Шаўляйскага павета. Пакруойіс знаходзіцца за 36 км ад Шаўляя. Горад адносіцца да этнаграфічнага рэгіёна Аўкштайція. Насельніцтва складае каля 6 тыс. чалавек. Праз Пакруойіс праходзіць чыгунка Паланга — Даўгаўпілс.
Упершыню паселішча ўзгадваецца ў 1531 годзе, калі яно належала Мартыновічам. Потым Пакрой пераходзіў да Сясіцкіх, Забелаў, Мунстэраў. У канцы XVIII стагоддзя ўладарамі Пакроя сталі бароны фон Ропы, якія валодалі ім да 1940 года. Пакрой вядомы тым, што тут у ХІХ стагоддзі працаваў настаўнікам французскі падарожнік і навуковец Фрэдэрык Дзюбуа дэ Манперэ.
Статус горада Пакруойіс атрымаў у 1950 годзе.
Дынаміка насельніцтва Пакруойіса | |||||||||||||
---|---|---|---|---|---|---|---|---|---|---|---|---|---|
Год | 1959 | 1970 | 1979 | 1989 | 2001 | 2010 | |||||||
жыхароў | 2 427 | 3 727 | 4 809 | 6 218 | 6 057 | 5 630 | |||||||