Пакруойіс
Пакруойіс (літ.: Pakruojis, традыцыйная беларуская назва — Пакро́й) — горад у паўночнай Літве на рацэ Круоя. Недалёка ад Пакруойіса на рацэ знаходзіцца дамба. Пакруойіс з’яўляецца адміністрацыйным цэнтрам Пакруойіскага раёна Шаўляйскага павета. Пакруойіс знаходзіцца за 36 км ад Шаўляя. Горад адносіцца да этнаграфічнага рэгіёна Аўкштайція. Насельніцтва складае каля 6 тыс. чалавек. Праз Пакруойіс праходзіць чыгунка Паланга — Даўгаўпілс.
Гісторыя
Упершыню паселішча ўзгадваецца ў 1531 годзе, калі яно належала Мартыновічам. Потым Пакрой пераходзіў да Сясіцкіх, Забелаў, Мунстэраў. У канцы XVIII стагоддзя ўладарамі Пакроя сталі бароны фон Ропы, якія валодалі ім да 1940 года. Пакрой вядомы тым, што тут у ХІХ стагоддзі працаваў настаўнікам французскі падарожнік і навуковец Фрэдэрык Дзюбуа дэ Манперэ.
Статус горада Пакруойіс атрымаў у 1950 годзе.
Насельніцтва
| Дынаміка насельніцтва Пакруойіса | |||||||||||||
|---|---|---|---|---|---|---|---|---|---|---|---|---|---|
| Год | 1959 | 1970 | 1979 | 1989 | 2001 | 2010 | |||||||
| жыхароў | 2 427 | 3 727 | 4 809 | 6 218 | 6 057 | 5 630 | |||||||
Славутасці
- Памесце графаў фон Роп (пачатак XIX стагоддзя).
- Сабор Святога Яна Хрысціцеля (пабудаваны ў 1887 годзе).
- Драўляная сінагога (1801). Занесена ў Рэестр культурных каштоўнасцяў Літвы. У паваенны час у будынку дзейнічаў кінатэатр, пазней там абсталёўвалі склад. У апошні час гэты будынак не эксплуатаваўся. У маі 2003 года моцна пацярпела ад пажару[3][4].
- Англійскі парк уздоўж ракі Круоя.
- Арачны мост над ракой Круоя. Пабудаваны ў 1819 годзе. Знайшоў адлюстраванне ў гербе горада.
- Могілкі савецкіх воінаў.
- Бібліятэка
- Гімназія
Спорт
- ФК Пакруойіс — футбольны клуб.
- Гарадскі стадыён па футболу (Стадыён Цэнтральны).
Гарады пабрацімы
Зноскі
- ↑ Statistics Lithuania Праверана 18 лютага 2018.
- ↑ Statistics Lithuania Праверана 2 чэрвеня 2019.
- ↑ Мегапартал хрысціянскіх рэсурсаў Архівавана 10 мая 2009.
- ↑ Пакруойская сінагога (англ.)
Спасылкі
На Вікісховішчы ёсць медыяфайлы па тэме Пакруойіс
Катэгорыя·Пакруойіская сянюнія
Катэгорыя·Гарады Літвы
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Пакруойіс
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Населеныя пункты Пакруойіскага раёна
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты паводле алфавіта