Казімір Букраба (польск.: Kazimierz Bukraba; 23 лістапада 1885, Гродна — 6 мая 1946, Лодзь) — біскуп пінскі.
Нарадзіўся 23 лістапада 1885 года ў Гродне. 2 лістапада 1909 года быў пасвечаны ў святары ў Кракаве[1]. У розны час служыў у Мінску, Пінску, Навагрудку і Брэсце. Падчас Другой Сусветнай вайны некалькі разоў апыняўся ў турме.
10 ліпеня 1932 года стаў біскупам пінскім, пасвечаны 21 ліпеня ў Вільні архібіскупам Рамуальдам Ялбжыкоўскім. З-за ваенных дзеянняў і змянення межаў быў вымушаны пакінуць сталіцу дыяцэзіі, з 1939 года жыў у Львове, з 1942 — у Варшаве. У 1944 годзе пераехаў у Лодзь, дзе жыў да смерці.
| Папярэднік: Зыгмунт Лазінскі |
Біскуп пінскі 10 ліпеня 1932 — 6 мая 1946 |
Пераемнік: Антоній Дзям'янка |