wd wp Пошук: ⬜

Другая кніга Ездры

У гэтага паняцця ёсць і іншыя значэнні, гл. Другая кніга.

Другая кніга Е́здры (Э́зры) — кніга, якая ў праваслаўі ўваходзіць у склад Старога Запавету, але адсутнічае ў Яўрэйскай Бібліі (Танаху) і не ўваходзіць у Стары Запавет у каталіцызме і пратэстантызме. Змяшчалася ў дадатак да Вульгаты[1], але адсутнічае ў Новай Вульгаце[2]. У Рускай праваслаўнай царкве адносіцца да другакананічных кніг. У грэчаскай Бібліі называецца «Έσδρας Α’», у дадатку да лацінскага выдання Бібліі — «Эзра III» (Esdra III) з загалоўкам «De Templi restitutione»[1][3]. У іўдаізме[4], каталіцызме[5] і пратэстантызме[1] адносіцца да апокрыфаў. У пратэстантызме называецца першай кнігай Ездры.

Іншыя назвы

У розных пераводах мае такія назвы:[6]

• старажытна-італійскі, сірыйскі і Ватыканскі кодэкс Септуагінты — першая кніга Ездры (грэч.: Έσδράς Αˊ) і змяшчаецца перад кананічнай кнігай Ездры, бо апісвае больш старажытныя, ў параўнанні з кананічнай кнігай, падзеі;
• у дадатку да Вульгаты — трэцяя кніга Ездры (Liber tertius).

Мова і дата напісання

Напісана на старажытнагрэчскай або старажытнаяўрэйскай мове[6][7]. Захавалася ў тэксце многіх грэчаскіх кодэксаў Септуагінты, але адсутнічае ў Сінайскім кодэксе. Першае гістарычнае ўказанне на другую кнігу Ездры знаходзіцца ў гісторыка Іосіфа ФлавІя (37—100 гг. н.э.), у сувязі з чым яе датуюць I стагоддзем да н.э. і не пазней за I стагоддзе н. э.[6][7]

Змест

Уяўляе сабою апавяданне пра ўзнаўленне Іерусалімскага храма і храмавага культу; ва ўводзінах выкладзены абставіны, якія прывялі да разбурэння Першага храма, a заключэннем ёсць расказ пра дзейнасць Ездры[3]. Другая кніга Ездры складаецца з дзевяці раздзелаў, і асноўная яе частка ўяўляе сабой выклад з нязначнымі зменамі фрагментаў кананічных кніг: Другой кнігі летапісаў, кнігі Ездры і Кнігі Неяміі[8]. Адзіны арыгінальны тэкст кнігі - аповяд пра спрэчку трох целаахоўнікаў цара Дарыя, адным з якіх быў Зарававель, і пра перамогу, якую той атрымаў у гэтай спрэчцы. Магчыма, што гэта персідскае прыдворнае апавяданне, або аўтар выкарыстоўваў іўдзейскае паданне.[6].

Зноскі

1. 1 2 3 Michael D. Coogan. The New Oxford Annotated Bible // Oxford. 2007. — P.4
2. ↑ James E. Bowley. Living Traditions of the Bible. — Chalice Press, 1999. — P. 160
3. 1 2 Эзра III // Еврейская энциклопедия Брокгауза и Ефрона. — СПб., 1908—1913.
4. ↑ Артыкул «Апокрифы и псевдоэпиграфы» у Электроннай яўрэйскай энцыклапедыі
5. ↑ Д. Г. Добыкин. Лекции по введению в Священное Писание Ветхого Завета. — Санкт-Петербург.: Санкт-Петербургская православная духовная академия, 2012. — C. 22
6. 1 2 3 4 Вторая книга Ездры // Толковая Библия Лопухина
7. 1 2 Юнгеров П. А. Введение в Ветхий Завет. Неканонические книги. Вторая книга Ездры
8. ↑ Вторая книга Ездры

Спасылкі

• На Вікісховішчы ёсць медыяфайлы па тэме Другая кніга Ездры
• Другая кніга Ездры ў рускім сінадальным перакладзе
• Зарававель перад Дарыем

Тэмы гэтай старонкі (6):
Катэгорыя·Кнігі Старога Запавету
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Другакананічныя кнігі
Катэгорыя·Вікіпедыя·Спасылка на Вікісховішча непасрэдна ў артыкуле
Катэгорыя·Іншыя значэнні: старонка не існуе
Катэгорыя·Кнігі паводле алфавіта