Ві́ніпег, або Уі́ніпег (англ.: Winnipeg) — горад Канадзе. Размешчаны на поўдні краіны, на р. Асінібайн пры яе упадзенні ў р. Рэд-Рывер. Адмiнiстрацыйны цэнтр правiнцыi Манітоба. Насельніцтва складае 633 тыс. жыхароў (2006).
Назва паходзіць ад індзейскага племені вінебага. Першае паселішча еўрапейцаў на месцы Вініпега заснавана ў 1738 года; назву атрымаў у 1873 годзе. Важны вузел трансканадскіх чыгунак і шашэйных дарог. Горад абслугоўваецца міжнародным аэрапортам імя Джэймса Рычардсана. Два ўніверсітэты[3].
Гандлёва-размеркавальны цэнтр стэпавых тэрыторый Канады. Рынак збожжа (пераважна пшаніцы) сусветнага значэння. Развіты харчовая (мясакансервавая, мукамольная, малочная, маслабойная), швейная, мэблевая, паліграфная, хімічная, электратэхнічная, нафтаперапрацоўчая, металаапрацоўчая, машынабудаўнічая прамысловасць[3].
У Вініпегу жыў і памёр беларускі пісьменнік і грамадскі дзеяч Мікола Сільвановіч (1917—1975).