Беэ́р-Шэва́[2], Беэ́р-Шэ́ва (іўр.: באר שבע, «калодзеж клятвы»[3][4]; араб. بئر السبع«Бір-эс-Саба»; турэцк.: Birüssebi; бібл. Вірсавія) — горад на поўдні Ізраіля.
Горад з’яўляецца адміністрацыйным цэнтрам Паўднёвай акругі Ізраіля. Тут размешчаны шэраг навучальных устаноў, у тым ліку Універсітэт Бен-Гурыёна, бальніца «Сарока» (другая па велічыні ў Ізраілі), акруговы суд, гарадскі тэатр, рэгіянальныя аддзяленні розных урадавых службаў. У пачатку XXI стагоддзя горад таксама з’яўляецца буйным культурным і прамысловым цэнтрам. Біблейская Вірсавія (Тэль-Беэр-Шэва) размешчана на паўночны захад ад сучаснага горада; у 2005 годзе атрымала статус аб’екта Сусветнай спадчыны ЮНЕСКА.
Беэр-Шэва размешчана ў Паўночным Негеве, за 81 км ад Іерусаліма, за 115 км ад Тэль-Авіва і за 240 км ад Эйлата.