.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Адыль Рамі (фр.: Adil Rami; нар. 27 снежня 1985, Бастыя, Корсіка, Францыя) — французскі футбаліст мараканскага паходжання, абаронца партугальскага клуба «Баавішта» і былы ігрок нацыянальнай зборнай Францыі.
Першым клубам Адыля стаў «Этуаль Фрэжус Сен-Рафаэль», у які ён трапіў ў 1994 годзе ва ўзросце 9 гадоў. Нягледзячы на вялікае жаданне Рамі займацца футболам прафесійна, яму прыходзілася гуляць толькі ў свабодны час ад працы ў гарадской ратушы, у якой працавала яго маці[4]. У сезоне 2003/04 Адыль дэбютаваў на аматарскім узроўні ў матчах за свой клуб у чацвёртым дывізіёне чэмпіянату Францыі[5].
Пасля свайго пераезду ў «Ліль» Рамі быў адпраўлены ў рэзервовы склад клуба, якім кіраваў Паскаль Планк, трэнер, які паводле слоў самога Адыля даў яму шанс расці ў прафесійным плане[6]. За два месяцы да заканчэння сезона 2006/2007 Адыль быў упершыню выкліканы Клодам Пюэлем у асноўны склад клуба. 19 мая 2007 года Рамі дэбютаваў у чэмпіянаце Францыі ў матчы супраць «Асера», выйшаўшы на поле ў стартавым складзе на звыклай пазіцыі цэнтральнага абаронцы. Праз тыдзень Адыль зноў згуляў з першых хвілін у матчы супраць «Рэна». 4 чэрвеня Рамі падпісаў свой першы прафесійны кантракт, заключыўшы трохгадовае пагадненне з клубам да 2010 года[7].
3 студзеня 2011 года Рамі падпісаў кантракт на 4,5 года з іспанскай «Валенсіяй»[8]. Між клубамі было заключана пагадненне аб тым, што Рамі будзе выступаць за «Ліль» да ліпеня, пасля чаго далучыцца да іспанцаў на сталай аснове. Дэбютаваў у складзе «кажанаў» у гульні супраць «Расінга» ў пераможным з лікам 4:3 матчы. У той жа гульні, Рамі забіў свой першы гол за клуб з падачы з вуглавога ўдару[9].
Рамі пагадзіўся да далучэння ў склад «Мілана» ў кастрычніку 2013 года, аднак, яго клуб «Валенсія», не даў яму дазволу на пачатак трэніровак з італьянскім клубам да студзеня 2014 года, пакуль арэнда афіцыйна не была зроблена[10]. 6 студзеня Адыль дэбютаваў у Серыі А, выйшаўшы ў якасці замены Крыстыяну Сапату ў матчы супраць «Аталанты», якая скончылася з лікам 3:0 на карысць міланцаў. 1 лютага 2014 года ён забіў свой першы гол у Серыі А у матчы супраць «Тарына».
12 ліпеня 2014 года Рамі падпісаў з «Міланам» 3-гадовы кантракт. За іграка італьянцы выклалі 4,25 млн еўра[11].
У ліпені 2015 года перайшоў у «Севілью», разам з якой у сезоне 2015/16 выйграў Лігу Еўропы.
У ліпені 2017 года падпісаў чатырохгадовы кантракт з марсельскім «Алімпікам», сума трансферу склала 6 млн еўра.
У жніўні 2019 года «Марсель» разарваў кантракт з абаронцам пасля таго, як ён адправіўся на здымкі шоу «Форт Баярд» без дазволу клуба[12].
У жніўні 2019 года падпісаў кантракт з турэцкім клубам «Фенербахчэ»[13]. Аднак, звычайна знаходзіўся на лаўцы запасных, выйшаў на поле толькі ў адным матчы.
У лютым 2020 года далучыўся да расійскага клуба «Сочы»[14]. Ужо ў маі таго ж года разарваў кантракт, так і не згуляўшы за клуб ніводнага матча[15].
У верасні 2020 года падпісаў духгадовы кантракт з «Баавіштай»[16].
Рамі дэбютаваў у складзе зборнай Францыі 11 жніўня 2010 года ў таварыскім матчы супраць зборнай Нарвегіі. Да гэтага ў яго быў выбар паміж французскай і мараканскай зборнай, чый трэнер Анры Мішэль прапаноўваў Адылю месца ў складзе перад Кубкам афрыканскіх нацый 2008. Тым не менш, Рамі адхіліў прапанову Мішэля, заявіўшы пра сваё жаданне выступаць у складзе «трохкаляровых». Адыль заявіў аб тым, што ён аддасць перавагу «прадстаўляць Марока ў французскай зборнай».
«Ліль»:
«Севілья»:
Францыя:
Профіль на сайце soccerway.com (руск.)
Профіль на сайце BDFutbol.com (англ.)
Статыстыка на сайце ForaDeJogo (англ.)
Статыстыка на сайце UEFA.com (руск.)
Профіль на сайце lfp.fr (фр.)