wd wp Пошук: ⬜

ФК Валенсія

У паняцця ёсць і іншыя значэнні, гл. Валенсія (значэнні).

«Вале́нсія» (ісп.: Valencia) — іспанскі футбольны клуб, які выступае ў Ла Лізе. Заснаваны ў 1919 годзе, базуецца ў аднайменным горадзе Валенсія. У цяперашні час хатняй арэнай з’яўляецца стадыён «Месталья», што быў пабудаваны ў 1923 годзе і ўмяшчае 55 000 гледачоў, але каманда плануе годзе перабрацца на новы стадыён на паўночна-заходзе горада «Новая Месталья» (кат. Nou Mestalla). Валенсія шэсць разоў станавілася чэмпіёнам краіны, а апошнім разам гэта адбылося ў 2004 годзе. У гістарычнай класіфікацыі Ла Лігі клуб займае трэцяе месца, адразу пасля «Рэала» (Мадрыд) і «Барселоны».

На пачатак сезона 2006/07 «Валенсія» ў спісе самых заможных клубаў свету займала 17-ы радок. У рэйтынгу найлепшых еўрапейскіх клубаў «Валенсія» рэгулярна знаходзіцца ў першай дзясятцы. З 2002 па 2008 гады клуб з’яўляўся членам арганізацыі еўрапейскіх футбольных клубаў G-14.

Гісторыя

Клуб быў заснаваны ў 1919 годзе дзвюма сябрамі Актавіа Аўгуста Мілега Дыясам і Гансала Медынэ Пернасам, прычым першы з іх стаў прэзідэнтам клуба дзякуючы падкінутай манеткі. Клуб згуляў свой ​​першы матч на выездзе 21 мая 1919 года з «Хімнастыка» і атрымаў паражэнне з лікам 0:1.

«Валенсія» перамясцілася на пляцоўку «Месталья» (яшчэ не стадыён да таго часу, была пабудавана толькі адна трыбуна) у 1923 годзе, а да гэтага гуляла свае хатнія матчы на ​​поле «Альгірас» з 7 снежня 1919 года. Першы матч на «Местальі» «Валенсія» згуляла ўнічыю 0:0 з камандай «Кастэльён Кастылія», а на наступны дзень перамагла ў гэтай жа каманды з лікам 1:0. «Валенсія» атрымала перамогу ў рэгіянальным чэмпіянаце ў 1923 годзе і ўпершыню ў сваёй гісторыі патрапіла ў Кубак Іспаніі. Першы кубак для валенсійцаў быў правальным: перамогшы ў хатнім матчы ў «Спортынга» з лікам 1:0, каманда саступіла ў адказнай сустрэчы 1:6. У выніку быў прызначаны трэці матч, які валенсійцы таксама прайгралі з лікам 0:2.

Грамадзянская вайна ў Іспаніі прыпыніла ўзыходжанне валенсійскай каманды, але ненадоўга: у 1940 годзе «Валенсію» узначаліў самы вядомы ў гісторыі клуба прэзідэнт — Луіс Касанова. У 1941 годзе каманда заняла ў першынстве Іспаніі 3 месца і стала ўладальнікам Кубак Іспаніі, абыграўшы ў фінале «Эспаньёл». У сезоне 1941/42 клуб упершыню выйграў нацыянальны іспанскі чэмпіянат. 1940-я гады сталі часам росквіту «Валенсіі»: каманда на роўных канкурыравала з тагачаснымі лідарамі іспанскага футбола: «Барселонай», мадрыдскім «Атлетыка» і «Севільяй», тройчы (у 1942, 1944 і 1947 гадах) стаўшы чэмпіёнам і двойчы перамогшы ў Кубку Іспаніі — у 1941 і 1949 гадах.

Дасягненні

Іспанскія спаборніцтвы

• Чэмпіёны Іспаніі (6):

  • 1942, 1944, 1947, 1971, 2002, 2004

• Уладальнік Кубка Іспаніі (8):

  • 1941, 1949, 1954, 1967, 1979, 1999, 2008, 2019

• Уладальнік Суперкубка Іспаніі (1):

  • 1999

Міжнародныя

• Уладальнік Кубка ўладальнікаў кубкаў УЕФА (1):

  • 1980

• Уладальнік Кубка УЕФА (1):

  • 2004

• Уладальнік Кубку кірмашоў (2):

  • 1962, 1963

• Уладальнік Суперкубку УЕФА (2):

  • 1980, 2004

Склад

Станам на верасень 2022 года.

№ Пазіцыя Імя Год нараджэння 1 Бр Хаўмэ Даменех 1990 2 Аб Т’еры Карэя 1999 3 Аб Тоні Лато 1997 4 ПА Юнус Муса 2002 5 Аб Габрыел Паўліста 1990 6 Аб Уга Гільямон 2000 7 Нап Эдынсан Кавані 1987 8 ПА Ілайш Морыба 2003 9 Нап Джасцін Клюйверт 1999 11 ПА Саму Кастыльеха 1995 12 Аб Муктар Дыякабі 1996 13 Бр Крысціян Рывера 1998 14 Аб Хасэ Луіс Гая 1995

№ Пазіцыя Імя Год нараджэння 15 Аб Джэнк Азкаджар 2000 16 Нап Самуэл Ліну 1999 17 ПА Ніка Гансалес 2002 18 ПА Андрэ Алмейда 2000 19 Нап Уга Дура 1999 20 Аб Дымітры Фульк’е 1993 21 Аб Хесус Васкес 2003 22 Нап Маркус Андрэ 1996 24 Аб Эрай Кёмерт 1998 25 Бр Георгій Мамардашвілі 2000 ПА Вісентэ Эскерда 1999 Бр Яга Эрэрын 1988

Зноскі

Спасылкі

• На Вікісховішчы ёсць медыяфайлы па тэме ФК Валенсія
• Афіцыйны сайт клуба (англ.)  (ісп.)  (яп.)
• Сайт заўзятараў
• Аб’яднаны сайт рускамоўных заўзятараў (руск.)

Тэмы гэтай старонкі (5):
Катэгорыя·Футбольныя клубы паводле алфавіта
Катэгорыя·Футбольныя клубы Іспаніі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Футбольныя клубы, заснаваныя ў 1919 годзе
Катэгорыя·ФК Валенсія